ყურანის თვე, რამადანი

აიათში, რომელიც წაგიკითხეთ, ღმერთი ბრძანებს:

აიათში, რომელიც წაგიკითხეთ, ღმერთი ბრძანებს: 
1.    რამადანის თვეა, რომელშიც ზემოვლინებული იქნა ყურანი ჭეშმარიტ გზად ხალხისთვის და ცხად ცნობარად ჭეშმარიტი გზისა და განმასხვავებლად ჭეშმარიტებისა  ბათილისგან. და თქვენგან ვინც იხილოს ეს თვე, იმარხულოს მასში. და ვინც ავად იყოს ან მგზავრობაში, ამდენივე სხვა დღეებში. ალლაჰის ნებაა თქვენთვის შვება და არა ვნება და რომ შეასრულოთ ეს რაოდენობა და ადიდოთ ალლაჰი იმისათვის, რომ ჭეშმარიტ გზას დაგადგინათ. ეგებ მადლიერნი იყოთ!
ძმებო,
ერთ დღეს შუამავალმა აბდულლაჰ ბინ მესუდი იხმო და უთხრა: „აბდულლაჰ, წაიკითხე ყურანი. მინდა შენი წაკითხული ყურანი მოვისმინო.
 აბდულლაჰმა უთხრა: „შუამავალო, ყურანი შენს გულში იქნა მოვლენილი. მე როგორ შემიძლია წაგიკითხოთ?“  
„- მე ძალიან მსიამოვნებს, როცა ყურანს სხვისგან ვისმენ. ძალიან მინდა ეს შენგან მოვისმინო.“ - უთხრა შუამავალმა. 
აბდულლაჰმა ნისას სურას ის აიათები წაიკითხა, სადაც ობლებზეა საუბარი. შუამავალი უსმენდა და ბოლოს თვალები აუცრემლიანდა. აბდულლაჰს სთხოვა შეჩერებულიყო.  
მორწმუნენო,
აი, ეს არის ყურანი, რომელიც მორწმუნეთა გულებზე სიღრმისეულად მოქმედებს და ეს ყურანი რამადანის საჩუქარია ჩვენთვის. ყურანის პირველი აიათი რამადანის თვის ერთ დღეს, ჰირას მთაზე, ბრძანებით „წაიკითხე“  პირველად მოევლინა შუამავალს და ამის მერე ეს წმინდა წიგნი კაცობრიობის ხსნად და ადამიანების სწორ გზაზე დამდგენად იქცა. ეს არის ცხოვრების წიგნი, რომელიც ადამიანთა სიცოცხლეს აზრს სძენს და ადამიანებს მომავალის იმედს უნერგავს. ის არის ყველაზე ლამაზი სიტყვა და ღმერთის ულევი ხაზინიდან მოვლენილი უდიდესი წყალობა. ეს არის ღვთიური გზამკვლევი, რომელიც ადამიანს აცნობს ღმერთს, საკუთარ თავს და გარემოს. ეს არის წმინდა წიგნი, რომელიც ადამიანის არსებობასა თუ არარსებობას, ბედნიერებასა თუ უბედურებას ღვთისმსახურებად აქცევს. ყურანში სიბრძნით სავსე აიათებია, რომლებიც ადამიანს ამაღლებს და ღირსებით აღავსებს. ვინც ყურანს მიეკედლება გადარჩება, ხოლო ვინც ზურგს აქცევს, ის დაიტანჯება.
ძვირფასო მორწმუნენო,
ჩვენი წმინდა წიგნი ყურანი კაცობრიობას უნივერსალურ პრინციპებს აცნობს და მაღალი იდეალებით ასაზრდოებს. ეს არის წიგნი, რომელმაც მოვლინების დაწყების დღიდან კაცობრიობას სამართლიანობა, შემწყნარებლობა, ზნეობა და სათნოება მოუტანა. ყურანმა გვასწავლა გაგვერჩია ერთმანეთისგან კეთილი და ბოროტი, სწორი და მცდარი, კარგი და ცუდი, სასარგებლო და საზიანო და სხვა.
ეს არის წიგნი, რომელმაც ჩვენი გონება და გული ერთმანეთს დაუკავშირა. ეს არის წიგნი, რომელმაც ჩვენი სხეული და სული ერთმანეთს დაუკავშირა. ყურანმა მოგვიწოდა ერთი ღმერთის რწმენისაკენ და ამის ირგვლივ გაგვაერთიანა. 
ძმებო,
ყურანმა გვასწავლა თუ როგორ ვიყოთ კარგი ადამიანები. მან შეგვახსენა, რომ ამ დედამიწაზე უმიზნოდ და შემთხვევით არ ვართ გაჩენილნი და გვაქვს პასუხისმგებლობა. გვასწავლა, როგორ ვიყოთ კარგი შვილი. გვასწავლვა, როგორ უნდა მოვეპყროთ მშობლებს. ყურანი მოგვიწოდებს, რომ მშობლების მიმართ ყოველთვის გულთბილი და შემწყნარებელი უნდა ვიყოთ.  უნდა ვიყოთ კარგი მეუღლე, კარგი მეგობარი, კარგი მეზობელი და ა.შ.  ამასთანავე, უნდა გავახაროთ ობლები, დავეხმაროთ შეზღუდული შესაძლებლობების მქონეთ და უყურადღებოდ არ დავტოვოთ მგზავრები. 

ძვირფასო მორწმუნეებო!
რადგან ასეა, მოდით, ამ ყურანის თვეში, როცა ირგვლივ ბარაქისა და გულმოწყალების გარემოა შექმნილი,  ჩვენი გულები, გონება და ცხოვრება ყურანს დავუკავშიროთ. ნუ დავტოვებთ ჩვენს გულებს ისე, რომ ამ დიადი წიგნის გზავნილი და მნიშვნელობა არ გაიზიარონ. შუამავალი ბრძანებდა: „ადამიანი, რომელსაც გულში  ყურანის არაფერი გააჩნია, დანგრეულ სახლს გავს“. შუამავლის ეს შეგონება არასოდეს უნდა დავივიწყოთ. მოდით, გავეცნოთ ყურანის ჭეშმარიტებებით სავსე სამყაროს. ყურანმა ამ თვეში ჰყო ზეგარდმოვლინება. მოდით კიდევ ერთხელ, ჩვენს სულიერ ცაზე ზეგარდმოვავლინოთ წმინდა ყურანი. არ უნდა დაგვავიწყდეს, რომ თუ ყურანს მივყვებით, ის სიკეთის ყველა კარს გააღებს ჩვენთვის. ის მოგვანიჭებს სიმშვიდესა და ბედნიერებას. 

ძმებო!
ამ რამადანის თვეში, რომლის მადლიც მთელ კაცობრიობას მოიცავს, ღმერთს კიდევ ერთხელ ვთხოვოთ,  ნუღარ იქნება ტერორისტული თავდასხმები. ღმერთო, ყველა დაღუპული სამოთხით დააჯილდოვე და დაჭრილებსა და დაზარალებულებს დაეხმარე. ვგმობთ ძალადობასა და თავდასხმას და ამასთანავე, დაღუპულთა ახლობლებს ვუსამძიმრებთ. 
ჰუტბეს შუამავლის სიტყვებით დავასრულებ: „ყველაზე სწორი სიტყვა, ღმერთის სიტყვაა. ყველაზე კარგი მეგზური კი შუამავალია“.      

  • 22/06/2016
  • 3295

კომენტარები

განაახლეთ


სტატიები

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.


ქადაგებისქააბადან პირდაპირი ჩართვამედინადან პირდაპირი ჩართვა

:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 24.09.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 05:17 06:51 13:15 16:41 19:26 20:50
სამშაბათი 05:18 06:52 13:14 16:40 19:25 20:48
ოთხშაბათს 05:19 06:53 13:14 16:39 19:23 20:46
ხუთშაბათი 05:21 06:54 13:14 16:38 19:21 21:44
პარასკევი 05:22 06:55 13:13 16:37 19:20 20:42
შაბათის 05:23 06:56 13:13 16:36 19:18 20:41
კვირა 05:24 06:57 13:13 16:34 19:16 20:39