ყადირის ღამე მათთვისაა, ვინც მისი ფასი იცის

აიათში, რომელიც ახლა წარმოგიდგინეთ, ღმერთი ბრძანებს:

აიათში, რომელიც ახლა წარმოგიდგინეთ, ღმერთი ბრძანებს: 
    „ყადირი“
მოწყალე და მწყალობელი ალლაჰის სახელით
1    უეჭველად, ჩვენ გარდმოვავლინეთ იგი  ყადირის  ღამეს!
2     რა გამცნობს შენ, რას ნიშნავს ყადირის ღამე?
3    ყადირის ღამე ათას თვეზე უკეთესია!
4    ღმერთის ნებით გადმოდიან ანგელოზები და სული , ყოველი ბრძანების შესასრულებლად.
5    ის ღამე, ცისკრის ამოსვლამდე, მშვიდობითა და ბედნიერებითაა აღსავსე! 

ჰადისის მიხედვით კი შუამავალი ბრძანებს: 
რამადანის თვეში არის ერთი ღამე, რომელიც ათას თვეზე უფრო სასარგებლოა. ამ ღამის სიკეთეს ვინც ვერ გამოიყენებს, ეს იგივეა ათასი თვის სიკეთე ვერ გამოიყენოს“

ძვირფასო მორწმუნენო!
დღეები თვეებად, თვეები კი წლებად იქცევიან და ამგვარად, ღმერთის მიერ ნაბოძები სიცოცხლის დრო თანდათან იწურება. სულ ცოტა ხნით ადრე, ჩვენ, ყველამ ერთად გავიზიარეთ ის სიხარული, რომელიც რამადანის მობრძანებამ გვარგუნა. თუმცა რამადანის თვე იწურება და მასზე დამშვიდობების დრო დგება. მიდის რამადანი, რომელიც ერთი თვის მანძილზე ჩვენს ოჯახებში სიკეთის, ხვავისა და ბარაქის თანხლებით სუფევდა. იქნებ ვეღარც კი მოვესწროთ შემდეგ რამადანს და ეს ძალიან გვაღონებს. ხოლო სანამ ეს დალოცვილი თვე წაბრძანდება, ის გვჩუქნის ყადირის ღამეს და ეს ძალიან ძვირფასი საჩუქარია მათთვის, ვინც ამ ღამის ფასი იცის და მას შინაარსიანად გამოიყენებს. 
ყადირის ღამე ძალიან მნიშნელოვანი ღამეა, რადგან ის ყურანის ღამეა. ყურანის მოვლინება სწორედ ამ ღამეს დაიწყო. ყურანი, რომელმაც უმეცრებასა და უზნეობაში ჩაძირული ადამიანები გამოარკვია და ღმერთის რწმენისკენ მოუწოდა. ყურანი, რომელმაც ადამიანებს შეახსენა თუ საიდან მოვიდნენ და საით მიდიოდა გზა. 

ძმებო!
ამ მადლიანი ღამის ნამდვილი ფასი რომ გავიგოთ, უპირველეს ყოვლისა საჭიროა ჩვენთვის წყალობად მოვლენილ ყურანს გულის კარები გავუღოთ და გავითავისოთ. ჩვენი სულები ზოგჯერ ამქვეყნიური ჭუჭყით იფარება, გული ათასგვარი ხინჯით ილექება, ამიტომ ყურანს უნდა მივეკედლოთ, რათა აიათ-აიათ ჩაიღვაროს ჩვენს გულში და ყოველგვარი ჭუჭყისგან განვიწმინდოთ. ჩვენ ყურანის მეშვეობით უნდა გავიგოთ ჩვენი არსებობის აზრი და ვისწავლოთ ღირსეული ადამიანივით ცხოვრება. ჩვენ უნდა გავაძლიეროთ ყურანის მიმართ მგრძნობელობა, რათა ადამიანებმა ღირსეულად შევძლოთ ცხოვრება და საზოგადოებაში სიმშვიდემ დაისადგუროს. მხოლოდ ასე შეგვიძლია გავიგოთ იმ ძვირფასი ღამის მნიშვნელობა, რომელიც ათას თვეზე უფრო სიკეთიანია. ამ წმინდა წიგნით შეგვიძლია ჩვენი ცხოვრება უფრო შინაარსიანი და ბარაქიანი გავხადოთ. ჩვენი ფასი ყურანთან დამკიდებულებით განისაზღვრება. რაც უფრო ახლოს ვიქნებით მასთან, მით უფრო მეტად ავმაღლდებით. ყურანის საშუალებით ჩვენ შეგვიძლია დედამიწა მშვიდობისა და ბედნიერების ოაზისად ვაქციოთ.

ძმებო!
ყადირის ღამეს თავის ფასს ყურანი სძენს. ყურანი კი იმისათვისაა მოვლენილი, რომ ადამიანებმა დავფიქრდეთ, გავიაზროთ ის და მისით ვიცხოვროთ. ის არის ცხოვრების წიგნი, რომელიც ადამიანს ეხმარება როგოროც საკუთარი თავის, ისე გარესამყაროსა და საიქიოს შეცნობაში. ის არის სწორი გზა, რომელიც ადამიანს არასოდეს შეაცდენს. ვინც მას გადაშლის, მის გვერდებზე იპოვის საკუთარ თავს, სამყაროს გამჩენს, სიკეთესა და სიყვარულს. ის არის ღვთიური წიგნი, რომელიც ყოველი სიკეთის გასაღებია და ამავდროულად ბოქლომია ყოველი ბოროტებისა. ვინც მტელი გულით მიეკედლება ყურანს, ის იბრაჰიმი გახდება, ეუბი გახდება თავისი უბადლო მოთნიმები უნარით, იუსუფი გახდება, იაყუბი გახდება.

ძვირფასო მორწმუნენო!
სამწუხაროდ დღეს ადამიანები ათასგვარი გამოცდის წინაშე არიან. ეს არის ადამიანობისა და ღირსების გამოცდა. მსოფლიოს ყველა კუთხეში უმწეო ადამიანების სისხლი იღვრება. ხოცავენ უმწეო ბავშვებსა და ქალებს. ძმა ძმას იმეტებს. ეს მდგომარეობა მართლაც რომ გაუსაძლისია. ამ მდგომარეობის შემხედვარე ვხვდებით, თუ რაოდენ სჭირდებათ ადამიანებს ყურანის მოძღვრება, რათა დედამიწაზე ჭეშმარიტებამ, სამართლიანობამ,  შემწყნარებლობამ და სიმშვიდემ დაისადგუროს. 

ძმებო!
მოდით, როგორც ყურანის მორწმუნე მუსლიმებმა, ამ ყადირის ღამეს,კიდევ ერთხელ ყურანისთვის გავხსნათ გულის კარები. კიდევ ერთხელ ყურანის გადმოსახედიდან გადავხედოთ ჩვენს ცხოვრებას. რამდენად ვართ ჩვენ ყურანთან და რამდენადაა ის ჩვენში. შუამავალი იმ ადამიანებს, რომლებსაც ყურანის არაფერი გააჩნიათ, დანგრეულ სახლებს ადარებს.  დანგრეული სახლი კი არავის სჭირდება. ასევე არავის სჭირდება სინდისდაკარგული და ურწმუნო ადამიანი.

ძვირფასო ძმებო!
ამ გრძნობით და განწყობით, მთელ ისლამურ სამყაროს ვულოცავ ყადირის ღამეს. ვისურვებ მისი ბარაქა და მადლი უკლებლივ ყველას გამოგვეყენებინოს. ასევე დიად ღმერთს ვთხოვ, მთელ დედამიწაზე სიმშვიდემ დაისადგუროს და ყველა ის ადამიანი ტანჯვისგან გათავისუფლდეს, რომლებიც მსოფლიოს სხვადასხვა ადგილებში იჩაგრებიან. 
ჰუთბეს შუამავლის სიტყვებით დავასრულებ, რომლებიც მან ჰზ. აიშეს ყადირის ღამის შესახებ ურჩია, რომ ღმერთს შევედრებოდა: „  ღმერთო! შენ მიმტევებელი ხარ. მიტევება გიყვარს. მომიტევე!“
  

  • 01/07/2016
  • 2645

კომენტარები

განაახლეთ


სტატიები

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.

REZO AZİZ MİKELADZE

თეჰვიდი


ქადაგებისქააბადან პირდაპირი ჩართვამედინადან პირდაპირი ჩართვა
:

ლოცვის დროს ბათუმში
ლოცვის დროს ბათუმში 24.06.2017
ცისკარი მზე ლანჩი დღის მეორე ნახევარში საღამო ღამ.ლოცვა