რამადანი გამჩენსა და გაჩენილს შორის მეგობრობის დროა

ღმერთი დროსა და სივრცის მიღმაა, ადამიანი კი-არა

~გამომდინარე აქედან, ღმერთი ადამიანებს ღვთიურ წყალობას დროსა და სივრცის შესაბამისად სხვადასხვა ფორმით მოუვლენს ხოლმე. ღვთის მონა თუ შეძლებს და ამ ჭეშმარიტებას ჩასწვდება, ისე იცხოვრებს, რომ ღმერთის კმაყოფილებას მოიპოვებს.

დროისა და სივრცის გათვალისწინებით,

დღე სხვანაირია, ღამე სხვანაირი;

არსებობა სხვანაირია, არარსებობა -სხვანაირი;

ბოროტება და სიბნელე სხვანაირად გამოვლინდება, სამართლიანობა და სიმართლე კი- სხვანაირად;

ამრიგად,

ამქვეყნიური ცხოვრება, ჩვენთვის, ღმერთის მიერ დადგენილი გამოცდის ადგილია.

საიქიო განკითხვისა და დათესილის მომკის ადგილია.

ჯოჯოხეთი წამების ადგილია.

სამოთხე კი -სიმშვიდისა და ბედნიერების სავანე.

რაც შეეხება სიცოცხლეს, ის არის ილუზიური გზა, ერთგვარი კორიდორი, რომელიც ამ ყველაფრისკენ სხვადასხვა მიმართულებით მიდის.

ამ კორიდორში არის კარი, რომელიც ამქვეყნიური ცდუნებებისკენ მიდის.

მეორე კარი ცოდვის და ბოროტებისაა, რომელიც ჯოჯოხეთს უკავშირდება.

ერთი კარი ჭეშმარიტი გზაა, რომელიც სამოთხესთან მიგვიყვენს.

ერთი კარი  უკიდეგანო და უსასრულო ბედნიერების კარიბჭეა, რომელიც ღვთიურ ჭეშმარიტებაზე გადის.

რამადანის თვეში კი სწორედ ის კარი იხსნება, რომელიც უკიდეგანო და უსასრულო ბედნიერების კარიბჭეა. ეს არის ის დალოცვილი დრო. ეს არის ის მადლმოსილი დრო, როცა გამჩენი და მისი მონა ყველაზე ახლოს არიან. ღმერთის მიერ გაჩენილი ყოველი თვე ძვირფასია, მაგრამ რამადანში ღვთიური წყალობის გამოვლინება განსხვავებულია. ღვთისმოსავი მონა ყოველთვის ახლოა ღმერთთან, მაგრამ ამ თვეში განსაკუთრებულად. ღმერთი ყოველთვის, ყველასა და ყველაფერთანაა. შესაბამისად ის ცოდვილებთანაცაა, მაგრამ მათთან ყოფნა, თუ ისინი არ მოინანიებენ და არ გამოსწორდებიან, საბოლოო ჯამში სასტიკ წამებას მოუტანთ. ღვთისმოსავ ადამიანებთან ღმერთს სიახლოვე კი წყალობისა და ბედნიერების გამოვლინებაა.

დროისა და სივრცის გათვალისწინებით, ღმერთთან სიახლოვე ურთიერთსაპირისპირო გამოვლინებით ხასიათდება. ცოდვილთათვის ღმერთთან სიახლოვე წამებას მოასწავებს, ღვთისმოშიშთათის კი უსასრულო სიმშვიდესა და ბედნიერებას.

ამ ყველაფერიდან გამომდინარე, რამადანის თვე სწორედ ის დროა, როცა ადამიანი ღვთიურ წყალობას უფრო იოლად ეზიარება. ამიტომაა რამადანი ყველა თვისგან გამორჩეული.

საიქიოში სამოთხე ყველასგან გამორჩეული მდგომარეობაა. სწორედ ასეთი გამორჩეული გამოვლინებით ხასიათდება რამადანის თვეც. ის, როგორც ყველაზე მადლიანი თვე, თვეებს შორის სამოთხეს შეედრება. 

  • 03/08/2016
  • 3085

კომენტარები

განაახლეთ


სტატიები

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.

REZO AZİZ MİKELADZE

თეჰვიდი


ქადაგებისქააბადან პირდაპირი ჩართვამედინადან პირდაპირი ჩართვა
:

ლოცვის დროს ბათუმში
ლოცვის დროს ბათუმში 18.08.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 04:29 06:16 13:25 17:14 20:23 21:58
სამშაბათი 04:31 06:17 13:25 17:13 20:21 21:56
ოთხშაბათს 04:32 06:18 13:25 17:12 20:20 21:54
ხუთშაბათი 04:34 06:19 13:25 17:12 20:18 21:52
პარასკევი 04:35 06:20 13:24 17:11 20:17 21:50
შაბათის 04:37 06:21 13:24 17:10 20:16 21:48
კვირა 04:38 06:22 13:24 17:10 20:14 21:46