მონობისა და ერთგულების გამოხატულება- მსხვერპლშეწირვა

ძმებო!

მედინაში მსხვერპლშეწირვის დღესასწაულის დილა იყო. მლოცველებმა ნამაზი შეასრულეს და ახლა ჯერი მსხვერპლის შეწირვაზე იყო მიმდგარი. შუამავალმა, როგორც წესი, ორი სამსხვერპლე პირუტყვი მოამზადა. მან თავად დააწვინა პირუტყვი და თავით ქააბასკენ გაასწორა. შემდეგ წმინდა წიგნიდან, ყურანიდან შემდეგი აიათები წაიკითხა:

 „უეჭველად, მე ვპოვე სათაყვანო[1], რომელმაც გააჩინა ცანი და დედამიწა, და მივიქეცი ერთღმერთიანობისაკენ, და მე არ გავუჩენ თანაზიარს!“ (ენამ 79)

 

„უთხარი: უეჭველად, ჩემი ლოცვა და შესაწირი[2] ჩემი და სიცოცხლე და სიკვდილი ჩემი სამყაროთა ღმერთის, ალლაჰისთვისაა.

მოზიარე არ ჰყავს მას[3]. მე ეს[4] მებრძანა, და მე ვარ პირველი მუსლიმთაგანი.“ (ენამ 162-163)

აიათების წაკითხვის შემდეგ შუამავლმა ლოცვა აღავლინა:

„ღმერთო, ეს სამსხვერპლე პირუტყვი შენს მიერ ბოძებული სარჩოა და ის შენი კმაყოფილების მოპოვებისთვისაა. ღმერთო მიიღე ჩემი, ჩემი ოჯახისა და ჩემი მიმდევრების მიერ შეწირული მსხვერპლი“. ამის შემდეგ შუამავალმა ღმერთის სახელით მსხვერპლი შეწირა.

 

ძვირფასო მორწმუნენო!

 

ამ ქვეყნად ყველაზე დიდი ღირსება და პატივი ღმერთთან ახლოს ყოფნაა. ღმერთი ჩვენთან ახლოსაა. ის ძალიან ახლოსაა ჩვენთან. ის ჩვენს მთავარ არტერიაზე უფრო ახლოსაა. მას სურს, რომ ჩვენც მასთან ახლოს ვიყოთ. მან უამრავი წყალობა გვიბოძა, რათა მასთან ახლოს ვყოფილიყავით. ღვთისმსახურებაც მასთან სიახლოვის საშუალებაა. ჩვენ ყველა ღვთისმსახურებას მასთან სიახლოვისთვის აღვავლენთ. მასთან ახლოს ყოფნით ადამიანი ეზიარება ჭეშმარიტებას, სამართლიანობასა და შემწყნარებლობას. მასთან სიახლოვე ეშმაკთან სიშორეს ნიშნავს. ახლა მოდის ღვთისმსახურების დრო, რომელიც ღმერთთან გვაახლოებს. მოდის მსხვერპლშეწირვა და მსხვერპლშეწირვის დღესასწაული. მსხვერპლშეწირვის დღესასწაული აქედანვე სიხარულით გვავსებს და გვაბედნიერებს.

ძმებო!

ჩვენ ძალიან რთული პერიოდი გამოვიარეთ. სიძნელეები ყველამ ერთად გადავლახეთ. ახლა დროა ყველა დარდი და სიძნელე გვერდზე  გადავდოთ და ამ დღესასწაულისთვის მოვემზადოთ. ახლა დროა ხელახლა გავიხსენოთ ღმერთთან სიახლოვე და ერთმანეთსაც შევახსენოთ. ახლა დროა კიდევ ერთხელ დავშორდეთ ყველაფერ იმას, რაც ღმერთს გვაშორებს.

კარგი და, ჩვენ თუ ვართ მზად მსხვერპლი შევწიროთ და ღმერთს დავუახლოვდეთ? გადაწყვეტილი გვაქვს, რომ ყველაფერი უკუვაგდოთ, რაც ღმერთისგან გვაშორებს?  ვგეგმავთ ისეთ გეგმებს, რომლებიც ჩვენს გამჩენსა და ერთიმეორესთან უფრო დაგვაახლოებს?  ვეძებთ იმ ღარიბ და გაჭირვებულ ადამიანებს, რომლებსაც შეწირული პირუტყვის ხორცი უნდა ვუწილადოთ?

ძმებო!

მსხვერპლის შეწირვა მხოლოდ სამსხვერპლე პირუტყვის სისხლის გამოდენა არ გახლავთ. ეს ღვთისმსახურება უფრო ღრმა მნიშვნელობასა და სიბრძნეს ატარებს. უპირველეს ყოვლის, მსხვერპლის შეწირვა, ეს არის განზრახვა, რომ ჩვენ ყველა იმ ცოდვებს მივატოვებთ,. რაც ღმერთს გვაშორებს და ყველა იმ ტვირთისგან  გავთავისუფლდებით.  მსხვერპლის შეწირვის მიზანია გადავრჩეთ იმ ყველაფერისგან, რაც ჩვენსა და ღმერთს შორისაა. ეს არის ჩვენი გულის პირდაპირ ღმერთთან დაკავშირება. მსხვერპლის შეწირვა, ეს არის  ღვთისადმი მონობისა და ერთგულების გამოხატულება. ამ ჭეშმარიტების შესახებ ღმერთი ყურანში ბრძანებს:

  1. „  უსათუოდ ვერ მიაღწევს ალლაჰთან ხორცნი შესაწირისა  და ვერც სისხლნი მისი. მაგრამ მიუვა მას მხოლოდ თქვენი ღვთისმოშიშობა. ასე დაგიმორჩილათ მან ისინი თქვენ, რათა ადიდოთ ალლაჰი იმისთვის, რომ დაგაყენათ სწორ გზაზე. მაშ, ახარე სიკეთისმქმნელთ!“ (ჰაჯ 37)

ძმებო!

მსხვერპლი, ღვთისადმი მინდობის, ერთგულების, თავგანწირვის, ურთიერთდახმარებისა და შემწეობის სახელია. მსხვერპლის შეწირვაში ჰზ. იბრაჰიმის ერთგულება ჩანს. ასევე ჩანს ჰზ. ისმაილის ნდობა და მორჩილება. მსხვერპლშეწირვაში ჰზ. მუჰამმედის შემწყნარებლობა, თავგანწირვა, დახმარება და სხვათა მიმართ გულისხმიერების გამომხატველი მაღალი ზნეობა ჩანს.

მსხვერპლშეწირვა ჩვენს გაგებას სარჩოს მოპოვების შესახებ, მუდმივ მგრძნობელობას უნარჩუნებს და აძლიერებს. ეს არის გაგება, რომელიც გვასწავლის, რომ ეს სადღესასწაულო განწყობა მათაც უნდა გავუზიაროთ, ვისაც მსხვერპლის შესაწირად საკმარისი ფინანსები არ გააჩნია. ეს არის დაახლოებისა და ურთიერთსიყვარულის დღესასწაული. ამ დღეს უფრო ვუახლოვდებით მეზობლებს, მეგობრებს, უპოვრებსა და სხვა ადამიანებს. გარდა ამისა, მსხვერპლშეწირვა ეს არის სხვათა დახმარების განსაკუთრებული გამოხატულება, რადგან ამ დროს ადამიანები ეხმარებიან თუნდაც უცხო ქვეყნებში მცხოვრებ, სრულიად უცნობ გაჭირვებულ ადამიანებს.

ძმებო!

თუ შესაძლებლობა გვაქვს მსხვერპლი უნდა შევწიროთ. თუ ამის შესაძლებლობა არ გვაქს, ჩვენს ძმებს ძმობა ვაჩვენოთ. ღიმილიც ხომ მოწყალებაა და გავუღიმოთ ერთმანეთს. მოდით დავივიწყოთ ყველაფერი, რაც ღმერთს გვავიწყებს. მოდით დავრჩეთ მართლები და სამართლიანები. ერთად ვიყოთ და ერთიანობა შევინარჩუნოთ. მოდით გავყვეთ იბრაჰიმის გზას, რომელიც საკუთარი შვილით გამოიცადა. გვახსოვდეს, რომ ჩვენი შვილიც ჰზ. ისმაილის მსგავსად ჩვენზე მობარებული ამანათია. მოდით ნუ გადავუხვევთ იმ გზიდან, რომელიც შუამავალმა მუჰამმედმა და მისმა მეგობრებმა გვაჩვენეს.    

 

[1] ალლაჰი

[2] ღვთისმსახურებანი

[3] 162-ე აიათში მოხსენებულნი

[4] მონოთეიზმი, ერთღმერთიანობა

  • 06/09/2016
  • 3631

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

დილის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 19.11.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:19 07:54 13:05 15:38 18:03 19:28
სამშაბათი 06:20 07:56 13:05 15:38 18:02 19:27
ოთხშაბათს 06:21 07:57 13:05 15:37 18:01 19:26
ხუთშაბათი 06:22 07:58 13:05 15:36 18:00 19:26
პარასკევი 06:23 07:59 13:05 15:36 17:59 19:25
შაბათის 06:24 08:01 13:05 15:35 17:58 19:24
კვირა 06:25 08:02 13:06 15:34 17:57 19:24