დღეს, რებიულ ევველის 11-ში, ჰიჯრით 1438 წელს შუამავლის

დღეს, რებიულ ევველის 11-ში, ჰიჯრით 1438 წელს შუამავლის ზესაუკუნოებრივი სამაგალითოება ისე სჭირდება კაცობრიობას,

როგორც არასდროს. სამწუხაროდ, უნდა ვაღიაროთ, რომ დღეს მუსლიმთა ყველაზე დიდი პრობლემა სწორედაც რომ მისი  სამაგალითოების გაუბრალოება და შუამავლის მიერ მოტანილი შემწყნარებლობის შემცველი გზავნილის სათანადოდ გაუთვალისწინებლობაა. 

კვირას ღამით, დიადი ღმერთის მიერ სამყაროს უკანასკნელ ელჩად და წყალობად მოვლენილი შუამავლის, მუჰამმედის დაბადებას აღვნიშნავთ. ამასთან დაკავშირებით შუამავალ მუჰამმედს, მის წმინდა ოჯახს და მეგობრებს ვუძღვნი სალამს და ვედრებას. ღმერთს ვთხოვ მისი საშუალებით მოსულმა ღვთიური ზეშთაგონების სხივმა კიდევ ერთხელ გაგვინათოს გულები და მთელმა კაცობრიობამ იგრძნოს ამ ნათელის საჭიროება. ასევე დიად ღმერთს ვთხოვთ, ჩვენი ქვეყანა, ჩვენი ხალხი და მთლიანად კაცობრიობა, ამ დღის წყალობით, ეზიაროს მშვიდობას, შემწყნარებლობას, სიკეთესა და ბარაქას.   
შუამავალ ადამიდან მოყოლებული შუამავლების ჯაჭვის უკანასკნელი რგოლის, შუამავალ მუჰამმედის დასახასიათებლად ყველაზე საუკეთესო სიტყვები, რა თქმა უნდა წყალობა და შემწყნარებლობაა. ჩვენს წმინდა წიგნში, ყურანში შუამავლის შესახებ წერია: „ჩვენ მხოლოდ სამყაროს წაყალობად მოგავლინეთ“. (ენბია 107)  შუამავლის სიკეთეზე, შემწყნარებლობასა და სამართლიანობაზე დამყარებული სამაგალითოება არამარტო მის მიმდევრებს, არამედ მთელ კაცობრიობას მოიცავს. მის მიერ ნასწავლები მოთმინება, შემწყნარებლობა, სინდისიერება და სამართლიანობა ჩაქრობის პირას მყოფი ადამიანურობის სანთელს ხელახლა ანთებს და ისევ ადამიანურობისაკენ მოგვიწოდებს. სწორედ ეს განაპირობებს ჩვენს ფიქრებს, გრძნობებსა და ქცევებს.

„ისლამი და მუსლიმთა საცხოვრებელი არეალი თავისი ისტორიის ყველაზე რთულ პროცესებს გადის“ 
დღეს, მთელი კაცობრიობა შუამავლის ზესაუკუნოებრივი სამაგალითოების საჭიროებას ისე გრძნობს, როგორც არასდროს. შუამავლის ასეთი სამაგალითოების სხვებზე გაცნობა კი რა თქმა უნდა ჩვენ, მუსლიმებს გვევალება. სამწუხაროდ, უნდა ვაღიაროთ, რომ დღეს მუსლიმთა ყველაზე დიდი პრობლემა სწორედაც რომ სამაგალითოების დაკარგვა და შუამავლის მიერ მოტანილი შემწყნარებლობის შემცველი გზავნილის სათანადოდ გაუთვალისწინებლობაა. დღეს,  ყოველგვარი რწმენის, გონიერებისა და სიბრძნისგან შორს მყოფი სხვადასხვა ტერორისტული ორგანიზაციის მიერ შუამავლის სახელის გამოყენებით ჩადენილი ქმედებები ისლამისთვის   უფრო მეტი ზიანის მომტანია, ვიდრე მოწინავე ისლამოფობების მირ შექმნილი კარიკატურები. ისლამი და მუსლიმთა საცხოვრებელი არეალი თავისი ისტორიის ურთულეს პერიოდს გადის.  

დღეს, მთელი კაცობრიობა ძალადობის, ტერორის, ომისა და ქაოსის პირისპირ ვართ. მუსლიმთა სისხლისღვრა ისევ გრძელდება. მუსლიმთა ღირსება და სიამაყე, ისე როგორც არასდროს, ისევ საკუთარი ხელითვე ნადგურდება. ჩვენ მოწმენი ვხდებით იმ საშინელი რეალობისა, როდესაც კაცობრიობა სინდისს კარგავს. მილიონობით ადამიანი საკუთარი სამშობლოდან სახლიდან, ოჯახიდან აიყარა და დევნილად იქცა. ბავშვებმა თავიანთი ოცნებები, იმედები და მომავალი დაკარგეს. ადამიანები უმეცრების ჭაობში იძირებიან. მიუხედავად იმისა, რომ შუამავალმა ჩვენ ყველანი, მიუხედავად რასისა, ეროვნებისა, სქესისა და სხვა მრავალფეროვნებისა, ყველანი ძმებად გამოგვაცხადა, ერთი ღმერთის რწმენის, ერთი  წმინდა წიგნის, ერთი შუამავლისა და ერთი სალოცავი მიმართულების ირგვლივ შეგვკრიბა და ჩვენ ეს ძმობა და ამ ძმობისეული ზნეობა დავივიწყეთ. ჩვენ ყველა ეს ღრებულება უმეცრებაში, ამქვეყნიურ გამოსარჩენსა და სიჯიუტეში გავცვალეთ.   
შუამავალმა ჩვენ მოთმინება, თანადგომა, შემწყნარებლობა, სინდისიერება, მიტევა და ურთიერთსიყვარული გვასწავლა, ამის მიუხედავად, ჩვენ ჩვენივე თავი, ჩვენი ოჯახები და ირგვლივ მყოფები გულცივობისთვის გავწირეთ. ჩვენ გულქვანი გავხდით. ღმერთმა ჩვენში წმინდა სათნოება ჩადო და ჩვენ მას ვერ ვუპატრონეთ. უნდა ვაღიაროთ, რომ ისლამურ სამყაროში არსებული სავალალო მდგომარეობა ყურანისა და შუამავლის მიერ მოტანილი გზავნილის უგულებელყოფის, შუამავლის უზადო სამაგალითოების გაუთვალისწინებლობისა და ჩვენს გულებსა და გონებაში ჯეროვნად გაუთავისებლობის ბრალია. შუამავალის დედამიწაზე მოვლენის გახსენებით ჩვენ უნდა შევიცნოთ, რომ შუამავლის მიერ მოტანილი, მასულდგმულებელი სიბრძნის წყარო არასოდეს დაშრება. შუამავლის სუნნეთმა მაშინდელი უმეცრების ხანის საზოგადოება ბოროტების ჭაობიდან ამოიყვანა და სათნოებით, სამაგალითო საზოგადოებად აქცია და ამ სუნნეთს დღევანდელი საზოგადოების გადარჩენაც ძალუძს. მთავარია ჩვენ მხოლოდ მისი გახსენებითა და ზოგადი პატივისცემის გამოხატვით არ შემოვიფარგლოთ და შუამავლის ცხოვრება მაგალითად ავიღოთ და ცხოვრების წესად ვაქციოთ. ჩვენ მხოლოდ მისი ცხოვრებით აღფრთოვანება კი არ გვეყოფა, მისი მაგალითად აღება და მისი ნაჩვენები გზით ცხოვრება უნდა ვცადოთ. იმ დროს შუამავალი, როგორც მამა, როგორც მეუღლე, როგორც მასწავლებელი, როგორც იმამი, როგორც მეთაური და როგორც სახელმწიფოს მმართველი ჩვენ მოგვმართავდა და მისი სიტყვები დედამიწის ცხოვრების წესში უსწრაფესად შეერია და აივსო და ჩვენ, დღესაც უნდა გავუხსნათ გზა მის გზავნილებს. არასოდეს უნდა დავივიწყოთ, რომ ის ჩვენთვის ყველა მიმართულებით საუკეთესო მაგალითია.  
ძვირფას შუამავლზე ზემოვლენილი რწმენის  თეორიულად და პრაქტიკულად ხელახლა წაკითხვაა საჭირო, რათა  ბოროტების მიერ გაჩენილი ჭრილობები მოვიშუშოთ.  ყოვლად მოწყალე ღმერთმა ადამიანთა უკანასკნელ იმედად შუამავალი გამოგზავნა და ამ შუამავალმა ადამიანებს მოუტანა ღვთიური გზავნილი, რომელიც ურთიერთსიყვარულს, შემწყნარებლობასა და სიკეთეს გვასწავლის და ამ სწავლების მიხედვით ადამიანები, როგორც ერთი სხეულის ორგანოები ერთმანეთთან გაერთიანებულ საზოგადოებას უნდა ქმნიდნენ. შუამავლის გაგება სხვანაირად შეუძლებალია თუ ამ ყველაფერზე არ ვიფიქრეთ და ეს ყველაფერი არ გავითვალისწინეთ. დღეს, სიბრმავისკენ მიდრეკილი გრძნობები, დაბნელებული გონება, გამორჩენის, გაუტანლობისა და შურით სავსე გულები და სიმშვიდე დაკარგული საზოგადოება შუამავლის დედამიწაზე მოვლენის გახსენებით, მის მიერ მოტანილი გზავნილის, მისი სამაგალითოების წყალობით ხელახლა უნდა დაიბადოს. ამ გრძნობებითა და სურვილებით, გილოცავთ შუამავლის დედამიწაზე წყალობად მოვლენას!  
დიად ღმერთს ვთხოვთ, უპირველეს ყოვლისა ჩვენმა ქვეყანამ, მთელმა ისლამურმა სამყარომ და მთელმა კაცობრიობამ შუამავალ მუჰამმედის მაღალი ზნეობის მაგალითი ღირსეულად აიღოს და გაითავისოს.

  • 09/12/2016
  • 899

კომენტარები

განაახლეთ


სტატიები

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.

REZO AZİZ MİKELADZE

თეჰვიდი


ქადაგებისქააბადან პირდაპირი ჩართვამედინადან პირდაპირი ჩართვა
:

ლოცვის დროს ბათუმში
ლოცვის დროს ბათუმში 24.06.2017
ცისკარი მზე ლანჩი დღის მეორე ნახევარში საღამო ღამ.ლოცვა