მხოლოდ ღვთის გულისათვის

ხალხის სამსახური

კაცობრიობა თუ სულს ღაფავს, რა უნდა გაკეთდეს?!

თუ ბოროტები  ირგვლივ ყველაფერს აოხრებენ, რა უნდა გაკეთდეს?!

ვინ არის მართალი? ვინ არის მტყუანი? სად არის სიმართლე? სად არის ცდომილება? რა არის გამოსავალი? ეს ყველაფერი თუ ერთმანეთში არეულია, რა უნდა გაკეთდეს?!

ხალხმა თუ სწორი მიმართულება დაკარგა, რა უნდა გაკეთდეს?

ძლიერნი ამა ქვეყნისანი თუ უფრო და უფრო დაუნდობელნი ხდებიან, რა უნდა გაკეთდეს?

რა უნდა გაკეთდეს, თუ დღე და ღამ მორწმუნე მუსლიმ ხალხს კლავენ, რადგან მათ უკვე გადაწყვიტეს, რომ საკუთარ სიმდიდრეს თავად უპატრონონ?!

რა უნდა გაკეთდეს, რომ ამ სიკვდილის მანქანების გარემოცვაში უცოდველი პატარები არ იყვნენ მოქცეულნი?!

ბევრი რამ!

მაგრამ,

ისეთი რამ უნდა გაკეთდეს, რომ მხოლოდ ღმერთის კმაყოფილებას ემსახურებოდეს.

ისეთი რამაა საჭირო, რომ შვება მოიტანოს.

ისეთი რამ გვჭირდება, რომ სწორი მიმართულება მივაგნოთ და ჭეშმარიტ გზაზე დაგვდგეთ.

ისეთი რამ უნდა გაკეთდეს, რომ კაცობრიობა გამოცოცხლდეს, შთამოამავლობამ იხაროს.

რაღაც ისეთი უნდა გავაკეთოთ, რომ ეს პირქუში ღრუბლები გაიფანტოს, ყველაფერი დაიწმინდოს და სამართალმა იზეიმოს.

კაცობრიობის ნამდვილი მოთხოვნილება ესაა.

 სწორედ ეს იქნება  ხალხისათვის გაწეული ნამდვილი  სამსახური.

ეს არის სიმართლე, რომელიც ეშმაკის მსახურებისა და მტრის მონობისგან გადაგვარჩენს. ეს იქნება  გმირობა, რომელიც შეგვაძლებინებს უმეცრებასა და ღალატს, ბოროტებასა და არეულობებს ყველა კარი დავუკეტოთ და ეშმაკის მსახურებისგან სხვებიც ვიხსნათ. ეს არის ხალხისთვის სასარგებლო სამსახური.

 ეს არის გამოსავალი!

  ღმერთის შეცნობა;

ყურანის მიხედვით ცხოვრება;

შუამავალთან ერთად,

მისებრი რწმენით, მისებრი ზნეობით, მისებრი გულწრფელობით, იგივე მიმართულებით, იგივე მიზნით, ყოველ სასიკეთო საქმეში მასთან ერთად ყოფნა. ყოველთვის!

რადგან;

საჭიროა შენება და არა ნგრევა. რა თქმა უნდა სულიერება და ზნეობა უნდა ავაგოთ და არა- ურწმუნოება და ზნედაცემულობა. შენებაა საჭირო და არა ნგრევა. სიკეთის, სიყვარულის, შემწყნარებლობისა და ბედნიერების ბუდეები უნდა ავაგოთ და არა ბოროტების, სისასტიკის, განუკითხაობისა და ძალმომრეობის უფსკრულები.

 უნდა აცოცხლო და არა მოკლა. უნდა უშველო ჩაგრულებს.

საჭიროა ძმობა და მეგობრობა და არა ჩხუბი და გაუტანლობა. მეგობრობა მორწმუნე ძმებთან და არა ურწმუნო მტრებთან. შვილები ფუჭი ფილოსოფიითა და მავნე იდეოლოგიით კი არ უნდა აღვზარდოთ, არამედ მაღალი ზნეობა და ჯანსაღი აზროვნება უნდა ვასწავლოთ.

ღმერთმა შუამავალი მუჰამმედი სამყაროს წყალობად მოგვივლინა, რათა ის ყოფილიყო ნებისმიერ სიტუაციაში სამაგალითო ჩვენთვის. ღმერთმა  უბრძანა შუამავალს და კაცობრიობას გააგონა.

შენ მოგავლინეთ, როგორც;

ღმერთის გზაზე მომწოდებელი.

 

ვინც შენ მოგისმენს და გაგყვება ახარე მათ, რომ ღმერთმა მათ დიდი წყალობა მოუვლინა.

აიათში ნახსენები სიტყვებიდან;

მოწმე- ღმერთის ბრძანებების საუკეთესო ფორმით გადმომცემი, რომელიც ღვთიურ კანონს გვასწავლის და პრაქტიკულად გვაჩვენებს.

ის არის ამოუწურავი ენერგიის წყარო, რათა ამ უსასრულო მოგზაურობაში ადამიანებმა მიზანთან მიღწევა შეძლონ.

მშველელი, რომელიც გზის ნაპირზე მისულებს აფრთხილებს, რათა გზიდან არ გადავიდნენ.

ღმერთის გზაზე მომწოდებელი;

უკვდავი ბედნიერებისკენ მომწოდებელი, რათა ადამიანებმა ამქვეყნიურ, დროებით, ფუჭ სიამოვნებაში არ ჩაიკარგონ.

ის არის გზის მანათობელი, რათა ადამიანმა „ბეწვის ხიდზე“ სირთულეებსა და სიბნელეს თავი დააღწიოს და სამშვიდობოს გასვლა შეძლოს.

სამყაროს გამჩენმა შუამავალი მოგვივლინა და ბრძანა:

„უეჭველად, ჩვენ წარგგზავნეთ მოწმედ, მახარობლად და შემგონებლად!

რათა ირწმუნოთ ალლაჰი და მისი შუამავალი. შეეწიოთ მას[1], პატივი დასდოთ და ადიდოთ იგი დილით და საღამოს!“

 

გამოდის, რომ როგორც რწმენაა ფარზი, ისეთივე ფარზია შუამავალზე დახმარება, მისდამი პატივისცემის გამოხატვა და მისებრი შემართებით მის გზაზე სიარული. მხოლოდ ასე შევძლებთ დავამარცხოთ ყოველგვარი უმეცრება და ამ გზით შევძლებთ ისლამის მიერ მოტანილი სათნოების შენარჩუნებას. ისლამზე ამ უსამართლო შემოტევების მოგერიებაც ამაზეა დამოკიდებული.

 

მტრები, საუკუნეების განმავლობაში, მუსლიმთა მიწებს უტევენ. ბოლოს უკან დაიხიეს, ახლა კი ყოველი მხრიდან ისევ შემოგვიტიეს. ამჯერად მხოლოდ მიწებისთვის კი არ გვიტევენ, არამედ მათი სამიზნე ჩვენი გულები, გონება, აზროვნება, ოჯახი და შთამომავლობაა. ისინი ჩვენს სწრაფვასა და მსოფლმხედველობას უტევენ.

ხანძარი დიდია.

საჭიროა ამ ხანძრის ეპიცენტრში მოყოლილი ადამიანების გადარჩენა. ეს ხანძარი იმდენად გამძაფრდა, რომ სხვა გამოსავალი აღარაა.  როგორც ყოვალთვის, ისევ ერთადერთი ღმერთია მოწყალე.

ღმერთო გვიშველე! ამინ!

 

[1] ალლაჰის სარწმუნოებას და ალლაჰის შუამავალს

  • 25/01/2017
  • 171

კომენტარები

განაახლეთ

სტატიები

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.

REZO AZİZ MİKELADZE

თეჰვიდი

REZO AZİZ MİKELADZE

რელიგიის როლი მსოფლიო მშვიდობისთვის

REZO AZİZ MİKELADZE

იმამი აზამი ებუ ჰანიფე და ღვთისგმობა

REZO AZİZ MİKELADZE

ზედმეტობა (იფრად), ნაკლოვანება (თეფრიდ), ზომიერება (იღთიდალ)

REZO AZİZ MİKELADZE

განგება და მისი აღსრულება

REZO AZİZ MİKELADZE

წყეულიმც იყოს ამა სოფელი!


ქადაგებისქააბადან პირდაპირი ჩართვამედინადან პირდაპირი ჩართვა
:

ლოცვის დროს ბათუმში
ლოცვის დროს ბათუმში 20.02.2017
ცისკარი მზე ლანჩი დღის მეორე ნახევარში საღამო ღამ.ლოცვა