სამოთხის მემკვიდრეობა

მორწმუნენო!

წმ.ომარის გადმოცემით, ერთხელ, როდესაც მუჰამმედი (ა.დ.მ.) მეგობრებს ესაუბრებოდა, ღვთიური გზავნილი მოევლინა. შუამავალი დადუმდა  და გულისყური ციდან გარდმოსულ ხმას მიაპყრო.  შემდეგ ქააბასკენ შეტრიალდა, ხელები აღაპყრო და  შეევედრა: „ღმერთო,  მოგვმადლე  წყალობა, ღირსეულ გვყავ და ნუ გვყოფ სირცხვილეულად. მოგვმადლე ის, რასაც ვიმსახურებთ, ნუ გაგვაწბილებ და დაგვამდაბლებ  და დაგვადგინე მათ შორის, ვისიც კმაყოფილი ხარ!

 

ძმებო!

 

    ვედრების შემდეგ შუამავალი,  იქ მყოფებს მიუბრუნდა და უთხრა: ცოტა ხნის წინ ღვთიური გზავნილი, ათი აიათი მომევლინა. ვინც ამ აიათებში მითითებულ საკითხებს ცხოვრებაში გაითვალისწინებს,მზადაა სამოთხისთვის  და შუამავალმა სურა „მუ’მინუნ“-ის ათი აიათი წაიკითხა.

ახლა თქვენთვის, სწორედ ამ ათი აიათის გაზიარება მინდა, რომლებიც ადამიანს სამოთხის მკვიდრად აქცევს. მოდით, ყველამ ერთად ვნახოთ ვინ არიან ის რჩეული მორწმუნეები, რომლებიც  ამ ათ აიათში არიან ნახსენები.  

 

 

  1. اَلَّذ۪ينَ هُمْ ف۪ي صَلَاتِهِمْ خَاشِعُونَۙ

 „უეჭველად, ნეტარ არიან მორწმუნენი!ისინი, რომელნიც თავიანთი ლოცვაში მოკრძალებულნი არიან!“ 

აქ ნახსენებია ის მორწმუნენი, რომლებიც ნამაზს მოკრძალებულად და გულწრფელად აღასრულებენ და რომელთათვისაც ნამაზი უზენაესთან შეხვედრის ნეტარი მომენტია. ის მორწმუნენი, რომლებიც ამ ძვირფას ღვთისმსახურებას ფორმალობად არ აღიქვამენ. ისინი, ვინც ნამაზის მადლს არასოდეს უგულებელყოფენ. 

 

 

وَالَّذ۪ينَ هُمْ عَنِ اللَّغْوِ مُعْرِضُونَۙ

 

„და ისინი, რომელნიც პირს იბრუნებენ ფუჭსიტყვაობისგან!“

აქ საუბარია ისეთ მორწმუნეებზე, რომლებიც ამქვეყნადაც და საიქიოშიც უსარგებლო ლაპარაკისა და ქმედებებისგან თავს იკავებენ. ცხოვრება იმდენად ხანმოკლეა, რომ მისი ერთი წამიც კი ფუჭად და უსარგებლოდ არ უნდა გავატაროთ. დრო ჩვენთვის უბადლო წყალობაა, რომელიც ღმერთმა ჩვენს გვარგუნა. ბოლოს ყოველი წყალობისთვის თითოეული ჩვენგანი განიკითხება.

 

 

وَالَّذ۪ينَ هُمْ لِلزَّكٰوةِ فَاعِلُونَۙ

 

„და ისინი, რომელნიც ზექათის აღმსრულებელნი არიან!“

 

ესენი არიან ის მორწმუნენი, რომლებიც ზექათს გასცემენ. ისინი ოჯახს ღირსეულად არჩენენ და მოწყალების გაცემაში ერთიმეორეს ეჯიბრებიან. ზექათი ის სავალდებულო მოწყალებაა, რომლის დროსაც ღარიბს მდიდრის სიმდიდრეში წილი გააჩნია.  სწორედ ზექათია ის მოწყალება, რომელიც მდიდარ ადამიანს ფულის მონობისგან გადაარჩენს. ზექათია ის მოწყალება, რომელიც ადამიანს ერთის მხრივ მატერიალური ტვირთისგან, ხოლო მეორეს მხრივ ცოდვებისგან ათავისუფლებს.

 

ძმებო!

وَالَّذ۪ينَ هُمْ لِفُرُوجِهِمْ حَافِظُونَۙ

 

„და ისინი, რომელნიც თავიანთი ნამუსის დამცველნი არიან!

გამოკლებით თავიანთ მეუღლეთა ან რაც მოიპოვეს თავიანთი მარჯვენათი, მაშინ უეჭველად, ეგენი არ გაიკიცხებიან ამისთვის!

ხოლო ვინც ამაზე მეტს მოინდომებს, მაშინ ისინი ზღვარგადასულნი არიან!“

 

ღმერთი სამოთხეს პირდება იმ მორწმუნეებს, რომლებიც ნამუსსა და ღირსებას იცავენ. ისინი იცავენ, როგორც საკუთარს, ისე სხვის ღირსებასაც.  ადამიანი ასე დაიცავს თავის მეობას და პატივისცემას დაიმსახურებს.

 

وَالَّذ۪ينَ هُمْ لِاَمَانَاتِهِمْ وَعَهْدِهِمْ رَاعُونَۙ

 

„და ისინი, რომელნიც მათზე დადებულ აღთქმანს და ანაბარს იცავენ,“

მუდმივი წყალობით დაჯილდოებულნი იქნებიან ის მორწმუნენი, რომლებიც მიცემულ სიტყვას და მიბარებულ ამანათს დაიცავენ და გაუფრთხილდებიან. ისინი მიცემული პირობის ერთგულნი არიან. სანდოობა მორწმუნის ერთ-ერთი ყველაზე მნიშვნელოვანი თვისებაა. შუამავალი მუჰამმედი უაღრესად სანდო ადამიანი იყო და ის შუამავლების წმინდა გზას მიჰყვებოდა.

 

 

وَالَّذ۪ينَ هُمْ عَلٰى صَلَوَاتِهِمْ يُحَافِظُونَ

 

„და ისინი, რომელნიც თავიანთ ლოცვანს იცავენ[1],“

ის მორწმუნენი, რომლებიც „ფირდევს“-ის სამოთხეში მოხვდებიან, ნამაზს სისტემატიურად აღასრულებენ. ნამაზი მათ ყოველგვარ ბოროტებას ჩამოაშორებს.  ჭეშმარიტებაა, რომ თუ ჩვენ ნამაზს დავიცავთ, ის ჩვენ დაგვიცავს. თუ ჩვენ ნამაზს მთელი გულით შევიყვარებთ, ნამაზი ჩვენ ყოველგვარი უბედურებისა და ბოროტებისგან დაგვიცავს.

 

ძმებო!

اَلَّذ۪ينَ يَرِثُونَ الْفِرْدَوْسَۜ هُمْ ف۪يهَا خَالِدُون

 

„სწორედ ეგენი არიან მემკვიდრენი,

რომელნიც დაიმკვიდრებენ ფირდევსს[2], ეგენი იქ მარად დაჰყოფენ!“

 

ღვთიური წყალობა მორწმუნეებისთვისაა. ისინი სამოთხეში შევლენ და მუდმივად იქ დამკვიდრდებიან. ფირდევსი სამოთხე, რომელიც სამოთხის ერთ-ერთი ყველაზე საუკეთესო ადგილია.  ის ერთ-ერთი მაღალი საფეხურია. ეს ის სამოთხეა, რომელიც ჰზ. ფატმამ მაშინ ახსენა, როდესაც შუამავალი გარდაიცვალა და თქვა: „მამა, რომლის განსასვენებელი ფირდევსი სამოთხეა“.

 

 

ძმებო!

 

ღმერთს ვთხოვ, წმინდა შუამავალ მუჰამმედის გვერდით, ფირდევსის სამოთხეში დაგვამკვიდროს.

 

 

Müminûn, 23/1-10.

 

İbnHanbel, I, 351; Tirmizî, Tefsir, 24.

 

Buhâri, Megazi, 78.

 

[1] დრო

ზე აღასრულებენ

[2] უმაღლეს სამოთხეს

  • 14/03/2017
  • 695

კომენტარები

განაახლეთ


სტატიები

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.

REZO AZİZ MİKELADZE

თეჰვიდი


ქადაგებისქააბადან პირდაპირი ჩართვამედინადან პირდაპირი ჩართვა
:

ლოცვის დროს ბათუმში
ლოცვის დროს ბათუმში 23.05.2017
ცისკარი მზე ლანჩი დღის მეორე ნახევარში საღამო ღამ.ლოცვა