ბარათის ღამე

ბარათის ღამე არის შაღბანის მთვარის მეთოთხმეტე და მეთხუთმეტე დღეების მაკავშირებელი ღამე.  ეს ღამე სხვადასხვა სახელებითაა ცნობილი.

ეს ღამე ბარაქისა და სიუხვის ღამეა, ამიტომ მას „მუბარექ“-საც ეძახიან.  ამ ღამეს მორწმუნეებს იმედი აქვთ, რომ ცოდვები მიეტევებათ, ამიტომ ამ ღამეს „განწმენდის ღამესაც“ ეძახიან. ამ ღამეს მორწმუნენი  სათნოებით აღივსებიან, ამიტომ მას „წყალობის ღამე“-საც ეძახიან. ამ ღამეს თუ სათანადოდ გამოიყენებენ, ადამიანები გადარჩენილთა შორის ჩაიწერებიან. 

ამ ღამეს ხუთი თვისება გააჩნია:

  1. ამ ღამეს ხდება მნიშვნელოვანი საქმეების შერჩევა და დახარისხება;
  2. ამ ღამეს ღმერთი ანგელოზებს გზავნის, რათა ღვთისმსახურებით დაკავებულ ადამიანებს დაეხმარონ;
  3. ეს ღამე მიტევებისა და შეწყალების ღამეა;
  4. ამ ღამეს შესრულებული ღვთუსმსახურების მადლი ძალიან დიდია;
  5. ამ ღამეს შუამავალს შემწეობის სრული უფლება ენიჭება. ამ შემწეობის უფლების ერთ მესამედს შაღბანის მთვარის მეცამეტე დღეს, ერთ მესამედს მეთოთხმეტე დღეს, ხოლო დარჩენილ ერთ მესამედს კი- მეთხუთმეტე დღეს გამოიყენებს.

მშობლების ურჩები, ჯადოქრობით დაკავებულები, სხვათა მიმართ სიძულვილის მთესველნი და ალკოჰოლური სასმელების მიმდევარნი ამ ღამის მადლით ვერ ისარგებლებენ.

ამ საკითხთან დაკავშირებით არსებობს შემდეგი ჰადისი:

შუამავალი ამ ღამის შესახებ ჰზ. აიშეს ასე უხსნიდა:

„ეს ღამე შაღბანის მეთხუთმეტე ღამეა. ამ ღამეს ღმერთი იმდენ ადამიანს გადაარჩენს ჯოჯოხეთის ცეცხლისგან, რამდენი ბეწვიც ბენუ ქელბის ტომის ცხვრებს აქვთ. თუმცა ღმერთი სახეზე არ შეხედავს მათ, ვინც მას თანაზიარს გაუხდის, ვინც მუსლიმების წინააღმდეგ სიძულვილსა და მტრობას ავრცელებს, ვინც ნათესავებთან კავშირს გაწყვეტს, ვინც ამპარტავნებას მისდევს, ვინც მშობლებს ეურჩება და ვინც ალკოჰოლური სასმელების მიღებას აგრძელებს“. (ბუჰარი, ეთ-თერგიბ ვე-თერჰიბ. 2, 118)

ამ ღამეს ღმერთი ანგელოზებს აცნობებს, ადამიანთა შორის ვის როგორი წყალობა და ბარაქა ექნება, ვინ იქნება მდიდარი ან ღარიბი, ვიც იცოცხლებს და ვინ გარდაიცვლება და ა.შ. ამ ღამეს ღვთისმსახურებით დაკავება და ნაფილე ნამაზების შესრულება დიდი მადლია, თუმცა ამ ღამისათვის სპეციალური ლოცვის ფორმა არ არის მითითებული.  შუამავალი ამ ღამეს ღვთისმსახურებაში ატარებდა და ღმერთს შემდეგნაირად ევედრებოდა:

„ შენი სასჯელისგან შენს მიტევებას, შენს კმაყოფილებას, შენგან ისევ შენვე მოგეკედლები. მე უძლური ვარ საიმისოდ, რომ ღირსეულად განგადიდო. შენ რაოდენაც განადიდებ საკუთარ თავს, იმდენად დიადი ხარ“. (ეთ-თერგიბ 2. 119-120)

შუამავალი ჩვენ ასე გვიბრძანებდა:

„შაღბანის მთვარის ნახევარი რომ მოვა ღამე ლოცვაში, დღე კი მარხვაში გაატარეთ. ამ ღამეს, როგორც კი მზე ჩავა, ღმერთი დედამიწის ცამდე ჩამოვა და ბრძანებს: „მიტევება არავის სურს, რომ მივუტევო?! სარჩო არავის სურს, რომ ვუბოძო?! შვებას არავინ მთხოვს, რომ შვება მივცე?!“

„ შაღბანის მთვარის მეთხუთმეტე ღამეს (ბარათის ღამე) ღმერთი ყველა მორწმუნეს შეიწყალებს, გარდა მშობლების ურჩისა და მათი, ვინც ღმერთს თანაზიარს შეუქმნის“ (იბნ მაჯე, იქამეთუს სალათ. 191, თირმიზი, სავმ. 38)

  • 10/05/2017
  • 159

კომენტარები

განაახლეთ


სტატიები

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.

REZO AZİZ MİKELADZE

თეჰვიდი


ქადაგებისქააბადან პირდაპირი ჩართვამედინადან პირდაპირი ჩართვა
:

ლოცვის დროს ბათუმში
ლოცვის დროს ბათუმში 23.05.2017
ცისკარი მზე ლანჩი დღის მეორე ნახევარში საღამო ღამ.ლოცვა