ყოველი ცოცხალი არსების წინაშე ვალდებულება გაგვაჩნია

ძვირფასო ძმებო!

წაკითხულ აიათში დიადი ღმერთი შემდეგნაირად ბრძანებს:

„თაყვანი ეცით ალლაჰს და არავინ გაუხადოთ თანაზიარი მას. და კარგად მოეპყარით მშობლებს, ახლობლებს, ობლებს, ღატაკებს, მეზობლებს, ნათესავებსა და უცხოებს, თანამოძმეებს, მოგზაურებს და მათ, რომელნიც თქვენმა მარჯვენამ მოიპოვა. უეჭველად, ალლაჰს არ უყვარს, ვინც არიან ქედმაღალნი, მედიდურნი,“ (ნისა 36)

ჰადისის მიხედვით კი შუამავალი ბრძანებს: „თქვენივე სულის, თქვენი გამჩენის, სტუმრის, ოჯახის წინაშე ვალდებულებები გაგაჩნიათ. ყველას წინაშე ეს ვალი უნდა მოიხადოთ“.

ძვირფასო მორწმუნენო! დიდება ღმერთს, რათა კიდევ ერთხელ ღირსად გვყო და დაგვასწრო რამადანს, რომელიც ხვავის, ბარაქისა და განწმენდის თვეა. ჩვენ შევასრულებთ თარავის ნამაზს და მივირთმევთ საკვებს გამთენიისას და შებინდებისას. ჩვენ ამ თვეში ვმარხულობთ და ამის სიხარულს ვიგემებთ. ჩვენ ერთი თვის განმავლობაში სახლში ძვირფასი სტუმარი, რამადანი გვეყოლება.

 

ძმებო! რამადანი, ეს ის სკოლაა, რომლის მოსწავლეებიც  მორწმუნენი არიან. ეს სკოლა  მოთმინებას, მადლიერებას და ღვთისგან ბოძებული სარჩოს ფასს გვასწავლის. ეს სკოლა გვასწავლის და გვახსენებს იმ პასუხისმგებლობას, რაც ღმერთს, ერთიმეორისა და გარემოს წინაშე გაგვაჩნია. ეს სკოლა გვასწავლის, რომ ყველა არსების წინაშე გარკვეული ვალდებულება გაგვაჩნია. ამ სკოლისგან მისაღები ყველაზე დიდი გაკვეთილია ღვთისმსახურება, მარხვა, სიკეთის კეთება და ერთიმეორის წინაშე ვალდებულების შესრულება. ამ თვეში უნდა უნდა განვაახლოთ ის პირობა, რომლის მიხედვითაც მეუღლისა და შვილების, მეგობრებისა და ნათესავების, თანამშრომლებისა და სხვა ყველას წინაშე ვალდებულებები გაგვაჩნია და ეს ვალდებულებები პირნათლად უნდა შევასრულოთ. ამ თვეში კიდევ ერთხელ უნდა განვიმტკიცოთ გადაწყვეტილება, რომ ობლებს, ღარიბებს, უთვისტომოებსა და საჭიროების მქონეთ გულგრილად არ ჩავუვლით და შეძლებისდაგვარად მხარში დავუდგებით.          

 

ძმებო! ყველა ჩვენგანს მშობლების მიმართ ვალდებულებები გაგვაჩნია. მათ ხომ დიდი ჯაფისა და შრომის შედეგად გაგვზარდეს. მოდით, ამ რამადანის თვეში და ამის მერე მუდმივად კარგი შვილები ვიყოთ. ნუ  დავიზარებთ მათთვის ტკბილ სიტყვას, თბილად მოქცევასა და პატივისცემას. ჩვენს მეუღლეებისა და შვილების მიმართაც ვალდებულებები გაგვაჩნია.  ისინი ხომ ღვთით მობარებული ამანათები არიან. ჩვენ ხომ ცხოვრების ტვირთი მათთან ერთად ვზიდეთ. მოდით სიყვარულით და სიკეთით მოვექცეთ მათ. ისე აღვზარდოთ ჩვენი შვილები, რომ მათ იცოდნენ და სწამდეთ ღმერთი, წმინდა წიგნები, შუამავლები და ისლამისა და კაცობრიობისთვის სასარგებლო პიროვნებებად ჩამოყალიბდნენ.  

 

 

ძმებო!

ჩვენ გაგვაჩნია გარკვეული ვალდებულებები ნათესავებისა და მეზობლების მიმართ. ისინი ხომ ჩვენი ძმები არიან. გამომდინარე აქედან, მოდით, ჩვენს ნათესავებსა და მეზობლებს სიკეთით მოვექცეთ და მათთან თბილი დამოკიდებულება არ შევწყვიტოთ. ყოველთვის მზად ვიყოთ მათ ჭირი და ლხინი გავიზიაროთ. მოდით, ნუ დავტოვებთ მარტო. ჩვენ გვაქვს ობლების მიმართ ვალდებულებები. ისინი ჩვენთვის გამოცდის საშუალება არიან. მოდით, მზრუნველობა გამოვიჩინოთ მათ მიმართ. მოდით, ხელი ჩავკიდოთ მათ და ცხოვრებისთვის ღირსეულად მოვამზადოთ. ნუ დაგვავიწყდება, რომ ერთი ღიმილიც კი მათთვის ბედნიერების მიმნიჭებელია და ჩვენთვის კი -დიდი მადლის მომტანი.

ძმებო!

ჩვენ ყოველი ადამიანის, ყველა ცოცხალი არსების მიმართ ვალდებულებები გაგვაჩნია. ეს დედამიწა ჩვენი ზიარი სახლია. არ უნდა დაგვავიწყდეს, რომ ჩვენი უფლებები მხოლოდ იმდენად ვრცელდება, რამდენადაც სხვათა უფლებები იქნება დაცული. რაოდენაც დავიცავთ სხვათა უფლებებს, იმდენად შეგვიძლია საკუთარი უფლებების დაცვა მოვითხოვოთ.

ძმებო!

ადამიანის უფლებების დაცვის საკითხი ყოველდღე უფრო და უფრო მწვავე ტენდენციებს ამჟღავნებს. მოგიწოდებთ, ამ რამადანის თვეში საკუთარი და სხვათა უფლებების დაცვის მნიშვნელობა კიდევ ერთხელ გადავაფასოთ. დიად ღმერთს ვთხოვ, ამ დალოცვილ თვეში ჩვენს მიერ შესრულებული ღვთისმსახურება და ვედრება ისლამური სამყაროსა და ზოგადად კაცობრიობისათვის სიკეთისა და სამართლიანობის მოტანის საწინდარი გახდეს. ღმერთმა დაგვადგინოს სამართლინობისა და შემწყნარებლობის გზაზე. 

  • 09/06/2017
  • 465

კომენტარები

განაახლეთ


სტატიები

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა

REZO AZİZ MİKELADZE

ქება-დიდება მხოლოდ უზენაეს ალლაჰს ეკუთვნის.

REZO AZİZ MİKELADZE

თეჰვიდი


ქადაგებისქააბადან პირდაპირი ჩართვამედინადან პირდაპირი ჩართვა
:

ლოცვის დროს ბათუმში
ლოცვის დროს ბათუმში 18.08.2017
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 04:29 06:16 13:25 17:14 20:23 21:58
სამშაბათი 04:31 06:17 13:25 17:13 20:21 21:56
ოთხშაბათს 04:32 06:18 13:25 17:12 20:20 21:54
ხუთშაბათი 04:34 06:19 13:25 17:12 20:18 21:52
პარასკევი 04:35 06:20 13:24 17:11 20:17 21:50
შაბათის 04:37 06:21 13:24 17:10 20:16 21:48
კვირა 04:38 06:22 13:24 17:10 20:14 21:46