ყურანის მიხედვით ახალი წელი

ყოველი ადამიანი, რომელიც საკუთარ სულს, როგორც წყალობას და ღვთით მიბარებულ ამანათს ისე აღიქვამს, ასევე ფლობს უნარს ნებისმიერ წამს საკუთარი ცხოვრება განსაჯოს. რა არის ადამიანის სიცოცხლის აზრი? რა არის ადამიანის არსებობის მიზეზი, რომელსაც გონება და თავისუფალი ნება გააჩნია? როგორ უნდა წარმართოს ადამიანმა  თავისი სიცოცხლე, რომელსაც ცასა და დედამიწაზე რაცაა, ყველაფერი წყალობად და სარჩოდ აქვს ბოძებული? როგორ უნდა ცხოვრობდეს და მოქმედებდეს ადამიანი ამქვეყნიურ ცხოვრებაში, რომელსაც ესოდენ ძლიერი გონება, თავისუფალი ნების გამოხატვის უფლება და ასევე რელიგიური ვალდებულებები გააჩნია? ამ ყველაფერზე ფიქრი არის სწორედ ის პასუხისმგებლობა და ცხოვრების განსჯა, რომელიც ყოველი გონიერი ადამიანის ვალდებულებაა.

ღმერთის სიტყვაში ცხადი მითითებაა იმის თაობაზე, რომ ეს დღე-ღამის მონაცვლეობა, ზამთარისა და ზაფხულის მონაცვლეობა, მზე, მთვარე, ვარსკვლავები და სხვა ყველაფერი გვაჩვენებს, რომ ყველაფერი წარმავალი, მოჩვენებითი და დროებითია.

ყოველ დღე მზის ამოსვლა და ჩასვლა იმის მომასწავებელია, რომ საიქიოს უფრო და უფრო ვუახლოვდებით. ყოველ ახალ წელს, მილადით იქნება თუ ჰიჯრით, მსოფლიო საზოგადოება ძველი წელის დასრულებას და ახალი წლის მოსვლას აღნიშნავს, მაგრამ სინამდვილეში ამ თარიღს სხვა, განსაკუთრებული თვისება და მნიშვნელობა გააჩნია. იმ ადამიანებისთვის, რომლებსაც გული და გონება ღმერთის მსახურებისთვის მიუძღვნია, ეს დღეები გასული წლის ნამოქმედარის განსჯისა და სამომავლოდ მორწმუნეობრივი ცხოვრების დაგეგმვისთვის მნიშვნელოვანი მომენტია. სადაც ახალი წელი  აღინიშნება, იქ სერიოზული საფრთხეა ადამიანების გზიდან გადაცდენისა და ღვთისმსახურებისგან ჩამოშორებისა. თუმცა, ამ დღეს შესაძლებელია ადამიანი ღრმად დაფიქრდეს საკუთარი გაჩენის არსზე და სამყაროს გამჩენზე. მთელი წელი გავიდა და ამ მთელი წლის განმავლობაში რაც კი კარგი მოვიმოქმედეთ ყველაფერი აღწერილია და ასევე აღწერილია ყველა ის ცოდვა, რომელიც ამ წელში ჩავიდინეთ. ამ დღეს შესაძლებელია ნამდვილი ღვთისმსახურის გულწრფელობით მოვინანიოთ წინა წლის ცოდვები და ახალი წელი სიკეთისა და ღვთისმსახურების გამრავლების სურვილით დავიწყოთ. თუმცა ასევე შესაძლებელია ყოველგვარი მონანიების გარეშე, ცოდვაზე ცოდვის დამატების გზით დავიწყოთ მომდევნო წელი. მორწმუნისათვის ახალი წლის მოსვლა ყველაზე მეტად იმის მომასწავებელი უნდა იყოს, რომ ჩვენ, კიდევ უფრო მეტად ვუახლოვდებით სამარეს და შესაბამისად საიქიოს.

ამქვეყნიური ცხოვრების წარმავლობა მასში მოიცავს ყველა იმ ნივთიერი სიმდიდრის წარმავლობასაც, რომლის გამოც ადამიანები ყველაფერზე მიდიან, რათა, რაც შეიძლება მეტი მოიხვეჭონ. სიკვდილის დადგომისთანავე ადამიანს ყველა სიმდიდრე და ქონება ამქვეყნად დარჩება და მას მიატოვებენ ახლობლები, თავისი მდგომარეობა, სიმდიდრე და ფუფუნება. ღმერთი ბრძანებს:

 

  1. ქონება და შვილები მშვენებაა მიწიერი ცხოვრების, მაგრამ წარუვალი სიქველენი უკეთეს საზღაურიანია შენი ღმერთის წინაშე და მათზე სჯობს იმედის დამყარება!
  2. და[1] იმ დღეს ჩვენ ავამოძრავებთ მთებს და ნახავ შენ მიწას გაბრტყელებულს[2]. ჩვენ შევკრებთ მათ[3] და არავის დავტოვებთ მათგან! (ქეჰფ 46-47)

 

აიათში საუბარია სიქველეზე, მადლის კეთებასა და ღვთისმსახურებაზე და მათ მუდმივობაზე.  თუ კი შეძენილი ცოდნა, მოხვეჭილი ქონება ღმერთის მიერ დადგენილი წესისამებრ განხორციელდა და ასევე ღმერთის კმაყოფილებისთვის მისაღები ფორმით დაიხარჯა, მაშინ ეს ყველაფერი არა დროებითი, არამედ მუდმივი იქნება და ადამიანს უკვდავ სამყაროში, საიქიოში თან გაჰყვება და მისი გადარჩენის მიზეზი გახდება.

 

ყველა ამქვეყნიური ქონება და მდგომარეობა რომ წარმავალია ეს შემდეგი აიათითაც დასტურდება. აღნიშნული აითი ადამიანებისთვის მნიშვნელოვან გაფრთხილებას შეიცავს:

  1. „და ვფიცავ! მოხვედით ჩვენთან ეულნი[4], როგორც ჩვენ გაგაჩინეთ თავდაპირველად და ზურგსუკან მოიტოვეთ რაც გიბოძეთ. და ვერ ვხედავთ თქვენს ერთად თქვენს შემწეებს[5], რომლებზეც ირწმუნებოდით, რომ თანაზიარნი არიან თქვენი[6]. ვფიცავ, გაწყდა თქვენ შორის კავშირები და გაგეცალა თქვენგან, რასაც ირწმუნებოდით.[7] (ენამ 94)

 

 

როგორც სწავლული ჰაზინი განმარტავს, ადამიანი ქონებას, შვილებს, რაც გააჩნდა და სარგებლობდა, მოკლედ ყველაფერ იმას, რაც ღმერთმა ამქვეყნად უწყალობა,  ამქვეყნად დატოვებს. მიუხედავად იმისა, რომ აღნიშნული აიათი ღმერთისგან განდგომილების შესახებაა მოვლენილი, ის მთელი კაცობრიობისათვის გაფრთხილებაა. ყოველი ადამიანი იგემებს სიკვდილს ყველაფრის დატოვება მოუწევს, რაც გააჩნდა.

 

ყველამ იცის, რომ ადამიანი ამქვეყნად მოვლინებისას მხოლოდ სულიერი, ქონების, მეგობრებისა და თანამდებობის გარეშე მოდის და ის საიქიოში წასვლისასაც ამქვეყნიურ კავშირებს წყვეტს და ასევე მარტო მიდის.

 

ყოველი ახალი წელი ამ ჭეშმარიტების კიდევ ერთხელ გახსენების მიზეზი უნდა გახდეს. ამ ქვეყნად გამოსაცდელად მოვედით და ამ თვალსაზრისით, ჩვენი ცხოვრების კიდევ ერთი წლის გასვლა, ჩვენთვის დამაფიქრებელი უნდა იყოს. ჩვენ უნდა ავწონ-დავწონოთ გასული წლის ნამოქმედარი და მნიშვნელოვანი დასკვნები გამოვიტანოთ.

 

ადამიანი საკუთარი შესაძლებლობების მიხედვით გამოიცდება და რაც არ უნდა სხვაგვარად ფიქრობდეს და იქცეოდეს, მისი მოვლინების ადგილი სულიერი სამყაროა. ადამიანი თავის შესაძლებლობებს, უნარს, ქონებასა და ენერგის ამქვეყნიური ცხოვრებისთვის ხარჯავს. მერე მოვა აუცილებელი სიკვდილი და ყველა ადამიანი იძულებული გახდება ამქვეყნადვე დატოვოს ყველაფერი, რისთვისაც ამდენი იზრუნა. ადამიანს იმქვეყნად მოპოვებული ქონება კი არა, იმ ქონების საშუალებით გაკეთებული სიკეთე და ღვთის მიერ მოწონებული საქმეები გაჰყვება. თუ ასეთი სულიერი მონაპოვარი არ გააჩნია, ადამიანს ასე ფუჭად ნაგროვები ქონების გამოტირება უფრო დატანჯავს.

 

ყველა ამ განმარტებების შემდეგ შეგვიძლია ვთქვათ, რომ ახალი წელი ცხოვრების განსჯისა და სასარგებლო დასკვნების გამოტანის საშუალებად უნდა მივიჩნიოთ. უნდა დავფიქრდეთ წარსულის ცოდვებზე და მომავალი წლის გეგმები ღვთის კმაყოფილების მოპოვების მიზნით შევადგინოთ. ჩვენ უნდა ვილოცოთ და ღმერთს შევავედროთ როგორც საკუთარი თავი და ახლობლები, ისე მუსლიმი ძმები. სიცოცხლეს კიდევ ერთი წელი მოაკლდა. ამაზე კიდევ ერთხელ უნდა დავფიქრდეთ და ღვთისმსახურების სისტემატიურობაზე უნდა ვიზრუნოთ. ასევე უნდა დავფიქრდეთ საიქიო მზადებისა და ღვთისმსახურების ხარისხზე.

 

 

[1] გახსოვდეს

[2] მასზე აღარაფერი იქნება, არც მთები და არც სხვა რამ

[3] მორწმუნეებსა და ურწმუნოებს, აბსოლუტურად ყველას

[4] არც ქონება გაქვთ და არც გყავთ შვილნი, მარტოდ მოხვედით ყველასგან გამოცალკევებულნი

[5] კერპებს

[6] ირწმუნებოდით, რომ უფლება გქონდათ ღვთისმსახურებაში კერპები ჩაგერიათ

[7] მათ ქომაგობასა და შუამადგომლობას

  • 26/12/2017
  • 1455

კომენტარები

განაახლეთ


სტატიები

REZO AZİZ MİKELADZE

დიდი ცოდვის ჩამდენის მდგომარეობა

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!


ქადაგებისქააბადან პირდაპირი ჩართვამედინადან პირდაპირი ჩართვა

:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 18.11.2018
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:18 07:53 13:05 15:39 18:04 19:29
სამშაბათი 06:19 07:54 13:05 15:38 18:03 19:28
ოთხშაბათს 06:20 07:56 13:05 15:38 18:02 19:27
ხუთშაბათი 06:21 07:57 13:05 15:37 18:01 19:26
პარასკევი 06:22 07:58 13:05 15:36 18:00 19:26
შაბათის 06:23 07:59 13:05 15:36 17:59 19:25
კვირა 06:24 08:01 13:05 15:35 17:58 19:24