რეღაიბის ღამე

ძვირფასო ძმებო!

უსასრულო მადლიერება დიად გამჩენს, რათა სამთვეულის მობრძანებას მოგვასწრო და ამასთანავე ჩვენ ყველანი რეღაიბის ღამეს, როგორც რამადანის მახარობელს დავესწარით. დღეს ყველანი ერთად რეჯების მთვარის ბარაქიანობასა და ყოველკვირეული დღესასწაულის, ჯუმის მობრძანების სიხარულს ვიზიარებთ. როდესაც ეს პერიოდი მოდიოდა შუამავალი ღმერთს ევედრებოდა: „ღმერთო დაგვილოცე რეჯები და შაღბანი, რამადანს კი ჯანმრთელად დაგვასწარი“. დაე, დალოცვილი იყოს რეჯები და შაღბანი ჩვენი ერისა და საერთოდ ისლამური სამყაროსთვის. ღმერთო დაგვიფარე ყოველგვარი ბოროტებისა და ზიანისგან და დაგვასწარი რამადანს.

ძმებო!

ჩვენს დიად წიგნში, ყურანში არის ასეთი სურა „ინშირაჰ“, რომელიც გულის გახსნას ნიშნავს. ეს არის გულის გაფართოება, სიხალვათე და სიმშვიდის პოვნა. ინშირაჰის სურა იმ პერიოდში მოევლინა შუამავალს, როდესაც ის და მისი მიმდევარი მეგობრები ძალიან დიდი პრობლემების წინაშე იყვნენ. ამ სურაში არის მოწოდება და სწავლება თუ როგორ უნდა ჰპოვონ მორწმუნეებმა სულიერი სიმშვიდე. აქ არის სწავლება თუ როგორ შევიმსუბუქოთ ტვირთი, რომელიც ზურგზე გვაწევს. აქ არის ნაჩვენები გზები თუ როგორ ავამაღლოთ ჩვენი ღირსება და როგორ დავაღწიოთ თავი სირთულეებს.

ღმერთი ასე ბრძანებს:

„„ინშირაჰი“

               მოწყალე და მწყალობელი ალლაჰის სახელით

  1. (ო, მუჰამმედ) განა არ გაგვიხსნია და არ გაგვიფართოებია შენთვის მკერდი შენი?
  2. და არ ჩამოგხსენით ტვირთი,
  3. რომელსაც შენ წელში მოეღუნე?
  4. და განვადიდეთ შენთვის ხსენებაი შენი,
  5. რამეთუ, უეჭველად, სიმძიმეს ახლავს შემსუბუქება;
  6. უეჭველად, სიმძიმეს ახლავს შემსუბუქება!
  7. და როცა მოიცლი, წამოდექი და იშრომე
  8. და შენი ღმერთისკენ გაესწრაფე!

 

ძმებო!

ამ სურას ბოლო ორ აიათში ნაბრძანებია, რომ გულის სიმშვიდის მოსაპოვებლად, ზურგზე აკიდებული ტვირთის შესამსუბუქებლად, ღირსების ასამაღლებლად და სიძნელეების დასაძლევად უნდა წამოვდგეთ, ვიშრომოთ, ვეცადოთ და მუდმივად ღმერთისკენ ვისწრაფოდეთ. ცხოვრება ტყულად არ უნდა გავატაროთ. ყველაზე ძვირფასი განძი, ჩვენი სიცოცხლე უმიზნოდ არ უნდა ვხარჯოთ. ჩვენ უნდა ვიბრძოლოთ სიკეთისა და სიმართლისთვის. ჩვენ ყველამ უნდა ვეცადოთ, რომ დედამიწა საცხოვრებლად უფრო ხელსაყრელი გავხადოთ.

ძვირფასო მორწმუნენო!

ამ სურას ბოლო აიათში ნაბრძანებია, რომ ჩვენ ღმერთისკენ უნდა ვისწრაფვოდეთ. რეღაიბის ღამეს ყველაზე მეტი ყურადღება მაინც ამ ბრძანებას უნდა მივაქციოთ. შესაბამისად ჩვენ ყველა ქმედებასა და მოწადინებას ღმერთის კმაყოფილებისთვის უნდა წარვმართავდეთ. თითოეული ჩვენი ქმედების მიზანი არა ამქვეყნიური უპირატესობა, არამედ მხოლოდ და მხოლოდ ღმერთის კმაყოფილების მოპოვება უნდა იყოს.

ძვირფასო ძმებო!

დღეს მუსლიმები ძალიან რთულ პროცესს გავდივართ. ეს არის პერიოდი, როდესაც თითოეული მუსლიმი გულის წუხილს განიცდის. დღეს ყველაზე მეტად გვჭირდება „ინშირაჰი“ სულის გაფართოება და სიმშვიდე. ჩვენ გვჭირდება ჩამოვიხსნათ ის ტვირთი, რომელიც ესოდენ გვამძიმებს და სული დავიმშვიდოთ. სწორედ ამ მიმართულებით უნდა ვიმუშავოთ და არა ცდუნებებისა და სურვილების ასრულებისთვის. ჩვენ ღმერთის კმაყოფილების მოპოვებისთვის უნდა ვიცხოვროთ. ჩვენ უნდა ვიმუშავოთ სიმართლის, სიკეთის, სიყვარულისა და სამართლიანობის დამკვიდრებისთვის.

როდესაც ამას გავაკეთებთ, დიადი ღმერთი ჩვენს გულებს სიმშვიდეს მიანიჭებს. სწორედ მაშინ გადაგვარჩენს იმ მძიმე ტვირთისაგან, რაც გულზე გვაწევს. მაშინ გაგვითავისუფლებს გულებს ცოდვებისგან. ის გაგვიოლებს სიძნელეებს. სწორედ მაშინ დაგვიცავს ღმერთი ყველა იმ ბოროტებისგან, რომელიც ჩვენს თავისუფლებას ზღუდავს. ის აამაღლებს ჩვენს ღირსებას და სათნოებით აღგვავსებს.

ძმებო!

ღმერთმა შუამავალი მოსე ფარაონთან გაგზავნა, რათა ჭეშმარიტი გზისკენ მოეწოდებინა. შუამავალი მოსე ღმერთს სთხოვს:

  1. „უთხრა: „ღმერთო ჩემო! გამიფართოვე გული ჩემი
  2. და გამიადვილე მე საქმე ჩემი! (ტაჰა 25,26)

ღმერთო გაგვიფართოვე ჩვენი გულები. ყველა სიძნელე გაგვიოლე. შეგვაძლებინე ყველა ჩვენი ნაბიჯი შენსკენ იყოს მომართული.

 ღმერთო, თვალის დახამხამების ტოლი დროითაც კი ნუ დაგვტოვებ ჩვენი ცდუნებების პირისპირ. შეგვაძლებინე ყველა ჩვენი სურვილები, მისწრაფებები, ზრახვები და ქმედებები შენი კმაყოფილების მოპოვებისკენ მოვმართოთ.

 

 

   

  • 21/03/2018
  • 755

კომენტარები

განაახლეთ


სტატიები

REZO AZİZ MİKELADZE

დიდი ცოდვის ჩამდენის მდგომარეობა

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 13.12.2018
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:45 08:24 13:13 15:29 17:50 19:19
სამშაბათი 06:45 08:25 13:13 15:29 17:50 19:19
ოთხშაბათს 06:46 08:26 13:14 15:30 17:50 19:19
ხუთშაბათი 06:47 08:26 13:14 15:30 17:50 19:20
პარასკევი 06:48 08:27 13:15 15:30 17:50 19:20
შაბათის 06:48 08:28 13:15 15:30 17:50 19:20
კვირა 06:48 08:29 13:16 15:31 17:51 19:20