ბერათის ღამე

მიტევების, განწმენდისა და გადარჩენის- ბერათის ღამე

„თქვი: ჰეი, მსახურნო ჩემო, რომელთაც ზღვარს გახვედით საკუთარი თავის საზიანოდ! არ მოიწყვიტოთ იმედი ალლაჰის წყალობისგან. უეჭველად, ალლაჰი მიუტევებს ცოდვებს სრულად, რამეთუ იგია შემნდობი, მწყალობელი.“ (ზუმერ 53)

ძვირფასო მორწმუნენო! გილოცავთ  ბერათის ღამეს.

გამჩენის წყალობა ულევია, მისი მიმტევებლობა-უსაზღვრო. წაკითხულ აიათში ღმერთი ასე გვახარებს:  

„თქვი: ჰეი, მსახურნო ჩემო, რომელთაც ზღვარს გახვედით საკუთარი თავის საზიანოდ! არ მოიწყვიტოთ იმედი ალლაჰის წყალობისგან. უეჭველად, ალლაჰი მიუტევებს ცოდვებს სრულად, რამეთუ იგია შემნდობი, მწყალობელი.“ (ზუმერ 53)

ძვირფასო მუსლიმებო!

 

დღეს ჩვენ დიდ სიხარულს განვიცდით, რადგან ვუახლოვდებით დალოცვილ ბერათის ღამეს, რომელიც მიტევების, განწმენდისა და გადარჩენის მაუწყებელია. ამიტომ დიადი გამჩენის წინაშე უსაზღვრო მადლიერებას გამოვხატავთ. ჩვენ ყველამ ერთად უნდა შევეგებოთ ბერათის ღამეს, რომელიც 30 აპრილს, ორშაბათს იქნება.

შუამავალი ბრძანებს: „შაღბანის თვის მეთხუთმეტე დღე მარხვაში გაატარეთ, ხოლო ღამით ღვთისმსსახურება აღავლინეთ, რადგან იმ საღამოს, მზის ჩასვლისთანავე ღმერთი დედამიწასთან ყველაზე ახლო ცამდე ჩამოვა და დილამდე მორწმუნეთა ვედრებას ელოდება და ბრძანებს: „მიტევების მსურველი არ არის ვინმე, რომ მივუტევო? სარჩოს მოსურნე არავინაა, რომ ვუწყალობო? ავად არავინაა, რომ სიჯანსაღე დავუბრუნო?  

ძმებო!

სიცოცხლე ჩვენი ყველაზე ძვირფასი კაპიტალია. ყოველი საათი განძია, ყოველი წუთი -აურაცხელი ქონება. ბერათის ღამე სიცოცხლის გზაზე ერთ-ერთი ყველაზე ხვავრიელი გაჩერებაა. ეს არის ღამე, როდესაც გასული წლების ანალიზი კეთდება და ადამიანი საკუთარ არსებობასა და სიცოცხლის აზრზე დაფიქრდება. ბერათი განწმენდაა. ეს არის ღამე, როდესაც ღვთიური წყალობა დედამიწას ეფინება. ეს არის იმედისა და სათნოების ღამე. ეს არის ღამე, როცა ხელები ვედრებისთვის, ცა კი მორწმუნეთა გულებისთვის იხსნება. ეს არის ღმერთისკენ შემობრუნებისა და განწმენდის ღამე.

ამ ღამეს გატეხილი გულები მრთელდება, მტრობის კედლები ინგრევა და მორწმუნეთა გულები შურის, სიძულვილისა და გაუტანლობისგან თავისუფლდება. ეს არის ღამე, როდესაც მორწმუნენი სძლევენ ცდუნებებს, ამბიციებს, ეგოიზმსა და ამპარტავნებას. ეს არის ცდუნებებისა და ეშმაკისეული ხაფანგებისგან თავის დაღწევის ღამე.     
 

ძვირფასო მორწმუნენო!

ბერათის ღამე ყოველ წელს გვასწავლის თუ როგორ დავიცვათ თავი ყოველგვარი სიგლახის, ბოროტებისა და უსამართლობისაგან. ბერათის ღამე გვასწავლის, რომ ამ ღამეს არამარტო ღმერთის მიმტევებლობის იმედი უნდა გვქონდეს, არამედ ჩვენ თვითონაც მიმტევებელი უნდა ვიყოთ. ადამიანი ოჯახის წევრების, გარემოცვის, მორწმუნე ძმის და ზოგადად სამყაროს მიმართ მიმტევებლობით უნდა გამოირჩეოდეს. ღმერთს უყვარს მიმტევებელნი. ვისაც სურს ღირსი გახდეს ღვთიური სიყვარულისა, მას მხოლოდ და მხოლოდ სიყვარული უნდა ჰქონდეს გულში.


 

ძვირფასო მორწმუნენო!

 

ამ ძვირფასი ღამის საშუალებით მინდა შეგახსენოთ, რომ „კაცობრიობისთვის მოვლენილი სასარგებლო უმმაჰი“ რომ ვიყოთ თითოეულ ჩვენგანს გარკვეული პასუხისმგებლობები გვაკისრია. ჩვენს ირგვლივ რაც ხდება, იმ ყველაფრის მიმართ გულგრილი დამოკიდებულებით ჭეშმარიტი მორწმუნენი ვერ ვიქნებით.

მოდით, ამ ძვირფას ღამეს ყველა ის გადავიწყებული პასუხისმგებლობა და მოვალეობა გავიხსნოთ, რაც ესოდენ მნიშვნელოვანია. თუ მუდმივ სამყოფელს ეს ქვეყანა ვარჩიეთ, მოვინანიოთ. თუ ახლობლებს სიყვარული და სითბო დავაკელით, ესეც მოვინანიოთ. ობოლი და დაჩაგრული თუ მივატოვეთ, მოვინანიოთ. თუ ღვთისმსახურის მოვალეობები უგულებელვყავით, მოვინანიოთ. მონანიებით, ფიქრით, ვედრებითა და ღვთისმსახურებით სულიერი სიხალვათე ვიგრძნოთ. ცოდვისა და ბოროტებისკენ მიმავალი გზები გადავკეტოთ. ყველაფერი გავაკეთოთ საიმისოდ, რომ დედამიწაზე სიკეთე ბატონობდეს. ეს დღეები, როდესაც ღვთიური წყალობა უხვად მოედინება, რიგიანად გამოვიყენოთ. ჩვენი თაყვანისცემა, მორჩილება, მსახურება და მონანიება მხოლოდ ღვთის წინაშე გამოვავლინოთ. მოვინანიოთ ყოველი ცოდვა, ნაკლოვანება, შეცდომები და აღარასოდეს დავუბრუნდეთ მათ.

მინდა ეს ხუტბა შუამავლის შემდეგი ვედრებით დავასრულო: „ღმერთო! წამებისგან შენს კმაყოფილებას, შენი სასჯელისგან მიტევებას, შენგან ისევ შენვე მოგეკედლები. მე ვერ შევძლებ საკმარისად განგადიდო. შენ საკუთარ თავს როგორც აქებ, ისეთი ხარ“.

„ღმერთო, დაგვეხმარე, რათა შენი ხსენება, შენს მიერ ბოძებული სარჩოს გამო მადლიერების გამოხატვა და საუკეთესო ფორმით ღვთისმსახურება შევძლოთ“.      

 

  • 29/04/2018
  • 97

კომენტარები

განაახლეთ


სტატიები

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!

REZO AZİZ MİKELADZE

ხელმძღვანელობა


ქადაგებისქააბადან პირდაპირი ჩართვამედინადან პირდაპირი ჩართვა

:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 23.05.2018
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 03:45 05:44 13:17 17:13 20:38 22:23
სამშაბათი 03:44 05:43 13:17 17:13 20:39 22:25
ოთხშაბათს 03:42 05:42 13:17 17:13 20:40 22:26
ხუთშაბათი 03:41 05:42 13:17 17:14 20:41 22:28
პარასკევი 03:40 05:41 13:17 17:14 20:42 22:29
შაბათის 03:38 05:40 13:17 17:14 20:42 22:30
კვირა 03:37 05:40 13:18 17:15 20:43 22:32