ჰიჯრა

ძვირფასო მორწმუნენო!

დიადი ღმერთის წყალობით მომავალ სამშაბათს, მუჰარრემის მთვარის პირველ დღეს, ჰიჯრით 1440 წელს დავიწყებთ. უზენაესს ვთხოვთ ჰიჯრით ახალი წელი ჩვენი ერის და მთელი ისლამური სამყაროსთვის სიკეთის მომტანი ყოფილიყოს.

ძვირფასო ძმებო!

ურწმუნოებმა სამყაროს წყალობად მოვლენილი შუამავლის ეს ღირსეული მოვალეობა არაფრით არ მიიღეს და მასა და მის მიმდევრებს სასტიკი შევიწროება დაუწყეს. ამგვარი ძალადობა იმდენად გართულდა, რომ მექაში უკვე „სუნთქვაც“ კი ჭირდა, ამიტომ უზენაესის ნებით მუსლიმებს უფლება მიეცათ დაეტოვებინათ მშობლიური მექა და საცხოვრებლად მედინაში გადასულიყვნენ, სადაც მშვიდად ცხოვრებასა და თავიანთი რწმენის შესაფერისად მოქცევას შეძლებდნენ. ჯერ მუსლიმთა ერთი ნაწილი გადასახლდა მედინაში, ხოლო მოგვიანებით შუამავალი, თავისი უერთგულესი მეგობრის ებუ ბექირის თანხლებით, მედინაში ჩავიდა.

 

ძვირფასო მორწმუნენო!

ისლამის ისტორიაში ეს იყო ყველაზე მნიშვნელოვანი მგზავრობა, რომელიც სულაც არ იყო ადვილი და ამასთანავე ის იყო დედამიწაზე ჭეშმარიტების გავრცელებისა და გაბატონებისთვის გამოსავლის ძიების სიმბოლო. ჰიჯრა, ეს იყო ღვთისადმი რწმენის, მასზე მინდობის, მოთმინებისა და გამძლეობის მაგალითი. ეს იყო მოგზაურობა, როდესაც მურწმუნეები ყველაფერს შეელივნენ, რაც ებადათ და ღვთის გულისათვის, კაცობრიობის სიმშვიდისა და სიკეთისათვის მედინელ ენსარებს შეეხიზნენ, რომლებმაც უდიდესი პატივისცემით მიიღეს ისინი. ყურანში ამ რთული და შედეგიანი მოგზაურობის შესახებ ნაბრძანებია: „კეთილწარმატებულნი უპირველესნი მუჰაჯირთაგან და ენსართაგან და რომელნიც მიჰყვნენ მათ სიკეთით, ალლაჰი კმაყოფილია მათგან და ისინი კმაყოფილი არიან მისგან. და მოუმზადა მათ სამოთხენი, სადაც ძირს მდინარეები მოედინება და სადაც სამუდამოდ დამკვიდრდებიან. სწორედ ესაა უდიდესი წარმატება“. (თევბე 100)

   

ძვირფასო ძმებო!

ჰიჯრა, ეს არ არის მოვლენა, რომელიც მხოლოდ იმ დროს განხორციელდა და დასრულდა. დღესაც მრავალი მუსლიმი იძულებულია თვალცრემლიანმა დატოვოს თავისი სამშობლო, სახლ-კარი და თავშესაფარი სხვაგან ეძებოს. ისინი იმ ადამიანების იმედად არიან, რომლებიც მათ დახმარების ხელს გაუწოდებენ და ენსარებივით შეიფარებენ. აქედან გამომდინარე ჩვენი მოვალეობაა ჰიჯრით ახალ წელს გავიხსენოთ ის დიდი ჰიჯრა და დღეს მიმდინარე უსამართლობასა და ძალმომრეობას წინ აღვუდგეთ.

გარდა ამისა, ჰიჯრა ნიშნავს ყოველგვარი ცუდისა და საზიანოს მიტოვებას და სიკეთისკენ ნაბიჯის გადადგმას. ამის შესახებ შუამავალი ბრძანებდა: „მუსლიმი ის ადამიანია, რომლის ხელისა და ენისგან სხვა მუსლიმები ზიანს არ ნახავენ. მუჰაჯირი კი ის ადამიანია, რომელიც ღმერთის მიერ აკრძალულებს მიატოვებს.“  (ბუჰარი, იმან 4)

 

ძვირფასო მორწმუნენო!

ჰიჯრით ახალ წელს მუსლიმებმა წარსულის შესახებ ანალიზი უნდა გააკეთონ, თავიანთ ნამოქმედარზე დაფიქრდნენ და სამომავლოდ სასარგებლო მიზნები დაისახონ. მათი ჰიჯრა მეამბოხეობიდან მორჩილებისკენ, ცოდვიდან მონანიებისკენ, თვალთმაქცობიდან თავაზიანობისკენ, მტრობიდან ძმობისკენ, უმეცრებიდან განათლებისკენ და ბოროტებიდან სიკეთისკენ უნდა იყოს მიმართული.

მოდით ჩვენ ვიყოთ ის ენსარები, რომლებიც სამშობლოდან განდევნილ მუსლიმებს შეიფარებენ. მოდით კიდევ ერთხელ მტკიცედ გადავწყვიტოთ, რომ ვიქნებით მტკიც მორწმუნეები და სიკეთის მკეთებელი მუსლიმები. ღმერთს ვთხოვთ ჩვენი გზა და მიმართულება ღმერთისა და შუამავლის გზა იყოს.

  • 11/09/2018
  • 313

კომენტარები

განაახლეთ


სტატიები

REZO AZİZ MİKELADZE

დიდი ცოდვის ჩამდენის მდგომარეობა

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 13.12.2018
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:45 08:24 13:13 15:29 17:50 19:19
სამშაბათი 06:45 08:25 13:13 15:29 17:50 19:19
ოთხშაბათს 06:46 08:26 13:14 15:30 17:50 19:19
ხუთშაბათი 06:47 08:26 13:14 15:30 17:50 19:20
პარასკევი 06:48 08:27 13:15 15:30 17:50 19:20
შაბათის 06:48 08:28 13:15 15:30 17:50 19:20
კვირა 06:48 08:29 13:16 15:31 17:51 19:20