მევლიდი ნები

ძვირფასო მორწმუნენო!

მომავალი ორშაბათის სამშაბათთან დამაკავშირებელი ღამე, ჩვენი ძვირფასი შუამავლის, მუჰამმედის (ს.ა.ვ) ქვეყნად მოვლინების კიდევ ერთი წლისთავია. დიდება ალლაჰს, რადგან მოგვანიჭა ბედნიერება და ჩვენ შუამავლის მიმდევრები ვართ. დალოცვილი იყოს შუამავალი, მისი ოჯახი და მეგობრები, რამეთუ შუამავალი არის ჩვენთვის ჭეშმარიტი გზის მასწავლებელი.

ძვირფასო მუსლიმებო!

ღმერთი შუამავალს ასე გვაცნობს: „და მომწოდებლად ალლაჰისკენ, ნებითა თვისა და მანათობელ ლამპრად!

და უმახარობლე მორწმუნეებს, რომ მათთვისაა ალლაჰთან უდიდესი წყალობა! (აჰზაბ 45-46)

შუამავალი სამართლიანობისა და ჭეშმარიტების მოწმე, სიკეთის მახარობელი და მცდარი გზის მგმობელი იყო. ყურანი მას მოევლინა, შეგვასწავლა, გაავრცელა და ასევე ყურანის ცხოვრებაში დანერგვის საუკეთესო მაგალითი მოგვცა. მან კაცობრიობას მშვიდობა და სამართლიანობა უქადაგა. შუამავალი თავისი ცხოვრების ყველა ეტაპზე ადამიანებს სწორად ცხოვრების გზას აჩვენებდა. ის არის საუკეთესო მეგზური, რომელიც გზას გვინათებს.

ძვირფასო მორწმუნენო!

ვისაც სწამს ღმერთი და სურს რომ ღმერთის კმაყოფილება მოიპოვოს და შესაბამისად ორივე ქვეყანაზე ბედნიერი იყოს, მისთვის ყველაზე საუკეთესო მაგალითი შუამავალი მუჰამმედია. ღმერთი ბრძანებს:

„ვფიცავ, ალლაჰის შუამავალი კარგი მაგალითი იყო თქვენთვის, ვინც ისწრაფვოდა ალლაჰისკენ და უკანასკნელი დღისკენ და ხშირად ახსენებდა ალლაჰს!“ (აჰზაბ 21)

ასეთი თვალსაჩინო მაგალითის გვერდით აღზრდილი  საზოგადოება რწმენის, სამართლიანობის, ცოდნის, სიბრძნის, გამბედაობისა და შემწყნარებლობის განსახიერება იყვნენ. მის მიერ ჩამოყალიბებული ისლამური საზოგადოების ყოველმა წევრმა უმეცრების ხანის სიბნელე უკუაგდო და ნათელი გზა აირჩია. სადაც ისინი წავიდნენ, ყველგან მშვიდობისა და უსაფრთხოების გზავნილი მიიტანეს.

ძვირფასო მუსლიმებო!

შუამავალმა მანამდეც, სანამ შუამავლობის საპატიო მოვალეობას მიიღებდა, უპატიოსნესი ცხოვრება განვლო. მას „სანდო მუჰამმედს“ ეძახდნენ. მისი სანდოობა, სამართლიანობა და უზადო პატიოსნება ახალგარზდებისთვის დიდად სანდო იყო, ამიტომ პირველი მორწმუნეები სწორედაც რომ ახალგაზრდები იყვნენ. ეს ახალგაზრდა ადამიანები შუამავლის გვერდით სრულყოფილი რწმენით, საუკეთესო ქცევითა და მაღალი ზნეობით აღიზარდნენ, რადგან შუამავალმა ისინი კაცობრიობის ჰორიზონტზე მოკაშკაშე ვარსკვლავებად მოამზადა.

ძვირფასო მორწმუნენო!

შუამავალი ასევე უზადო მაგალითია იმ თვალსაზრისით, რომ მას კარგად ესმოდა ახალგაზრდების და მომავლისთვის საუკეთესოდ ამზადებდა.  ის უსმენდა ახალგაზრდებს, ენდობოდა, ავალებდა მნიშვნელოვან საქმეებს და შეცდომებზეც ისე მითითებდა და გამოსწორების გზებს ასწავლიდა, რომ არ სწყენოდათ. ჰზ. ალი თავის სახლში დატოვა, მუსაბი მედინაში მასწავლებლად გააგზავნა, მუაზი იემენში მოსამართლედ მიავლინა, უსამე ჯარის სარდლად დანიშნა და ამ დროს ყველანი ძალიან ახალგაზრდები იყვნენ.

ახალგაზრდებო!

შუამავალი ახალგაზრდებს მოუწოდებდა: „უეჭველია, რომ ღმერთს უყვარს ისეთი ახალგაზრდები, რომლებიც ცდუნებებს არ აჰყვებიან და ჭეშმარიტი გზიდან არ გადაუხვევენ“. თქვენც ახლა, როგორც მაშინდელი ახალგაზრდები ცხოვრების ყველაზე საუკეთესო წლებს გადიხართ. მიუხედავად იმისა, რომ გარემოდან მრავალი ცდუნება მოდის, თქვენ საკუთარ რწმენას, ღვთისმსახურებას და ზნეობას უნდა მიენდოთ. ეს ახალგაზრდული ენერგია ისეთ საქმეებში უნდა გახარჯოთ, რომლებიც ღმერთისთვის მისაღები იქნება. ამ გზაზე თქვენი გზამკვლევი შუამავლის ცხოვრება უნდა იყოს. ეს პატივი, რომელსაც შუამავლის მიმდევრობა ჰქვია თქვენ გერგოთ და მთელი მიმდევრების იმედი თქვენ ხართ.

ძვირფასო მორწმუნენო!

შუამავლის დაბადების დღე, რებიულ ევველის მთვარის მეთორმეტე ღამე 19 ნოემბერს ემთხვევა. ეს კვირა მისი დაბადების კვირაა. ყველამ უნდა ვეცადოთ რომ ამ დღეებში ბევრი გავიგოთ შუამავალზე, მის ცხოვრებასა და მის სწავლებაზე. დიად ღმერთს ვთხოვთ მთელი ისლამური სამყაროსთვის  ეს კვირა სიკეთის მომტანი ყოფილიყოს. აამინ! 

  • 19/11/2018
  • 81

კომენტარები

განაახლეთ


სტატიები

REZO AZİZ MİKELADZE

დიდი ცოდვის ჩამდენის მდგომარეობა

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი

REZO AZİZ MİKELADZE

მარხვა

REZO AZİZ MİKELADZE

სამოთხეში კვოტის დეფიციტი!


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 13.12.2018
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:45 08:24 13:13 15:29 17:50 19:19
სამშაბათი 06:45 08:25 13:13 15:29 17:50 19:19
ოთხშაბათს 06:46 08:26 13:14 15:30 17:50 19:19
ხუთშაბათი 06:47 08:26 13:14 15:30 17:50 19:20
პარასკევი 06:48 08:27 13:15 15:30 17:50 19:20
შაბათის 06:48 08:28 13:15 15:30 17:50 19:20
კვირა 06:48 08:29 13:16 15:31 17:51 19:20