„მიტევების, განწმენდისა და გადარჩენის საშუალება- ბერათის ღამე“.

„თქვი: ჰეი, მსახურნი ჩემო, რომელთაც ზღვარს გახვედით საკუთარი თავის საზიანოდ! არ მოიწყვიტოთ იმედი ალლაჰის წყალობისგან. უეჭველად, ალლაჰი მიუტევებს ცოდვებს სრულად, რამეთუ იგია შემნდობი, მწყალობელი“. (ზუმერ 53)

 

 

ძვირფასო მუსლიმებო!

 

ჩვენ უზომო სიხარულს განვიცდით, რადგან ვუახლოვდებით ბერათის ღამეს, რომელიც მიტევების, განწმენდისა და გადარჩენის საშუალებად არის ცნობილი. ამისათვის დიად ღმერთს უსაზღვრო მადლიერება მივუძღვნათ. მიმდინარე თვის 19 აპრილის ღამე ბერათის ღამეა.

 

შუამავალი (ს.ა.ვ.) წმინდა ჰადისში ბრძანებს: „შაღბანის თვის მეთხუთმეტე დღე იმარხულეთ, ღამეში კი ღვთისმსახურებისთვის ადექით. ამ ღამეს, მზის ჩასვლისთანავე, უზენაესი ჩვენთვის უცნობი ფორმით დედამიწასთან ყველაზე ახლო ცამდე ჩამოვა და გათენებამდე ასე ბრძანებს: „მიტევება არავის სურს, რომ მივუტევო? სარჩო არავის სურს, რომ სარჩო ვუწყალობო? უბედურებაში ჩავარდნილი არავინაა, რომ შვება მოვგვარო?“ (იბნ მაჯე, იქამეთუსსალავათ, 191) 

 

ძმებო!

 

სიცოცხლე ჩვენთვის ყველაზე ძვირფასი კაპიტალია. ყოველი წუთი ძვირფასი ხაზინაა, ყოველი წამი განძია. ბერათის ღამე ჩვენი ცხოვრების ყველაზე მნიშვნელოვანი მომენტებიდან ერთ-ერთია. ეს არის ღამე, როდესაც საშუალება გვეძლევა კიდევ ერთხელ თვალი გადავავლოთ განვლილ ცხოვრებას, დავინახოთ შეცდომები, გავაკეთოთ დასკვნები და ვითხოვოთ მიტევება. ბერათი განწმენდაა. ეს არის ღამე, როცა ღვთიური წყალობა უხვად გვევლინება.

 

ბერათი იმედის დროა.

ეს არის ღამე, როდესაც ხელები ვედრებისთვის, ხოლო გულები ზეცისთვისაა გახსნილი. ეს არის ღვთისკენ შემობრუნებისა და ცოდვების მიტევების ღამე.

 

ბერათი გატეხილი გულების გამრთელების დროა. ეს არის დრო, როდესაც ყოველგვარი უარყოფითი; შური, მტრობა, სიძულვილი, შურისძიება და მსგავსი დამანგრეველი გრძნობები უნდა დაინგრეს. ეს არის დრო, როცა ცდუნებების, ეგოიზმის, ამპარტავნებისა და ეშმაკის ყოველგვარი ხაფანგისგან უნდა გავთავისუფლდეთ.

 

ძვირფასო მორწმუნენო!

ჩვენს ცხოვრებაში ბერათის ღამე ყოველ წელს დგება და ის გვსაწავლის როგორ დავაღწიოთ თავი ბოროტებას, სისასტიკეს და უსამართლობას. ბერათის ღამე გვახსენებს, რომ ჩვენ მხოლოდ ღვთისგან მიტევებას კი არ უნდა ველოდეთ, ამავდროულად თავადაც ერთიმეორის მიმართ მიმტევებელნი უნდა ვიყოთ. ღვთისგან მიტევების მომლოდინე ადამიანი თავადაც მიმტევებელი უნდა იყოს. მორწმუნე ადამიანი საკუთარი თავის, ოჯახის, თანამორწმუნე ძმების, გარემოსა და მთელი სამყაროს მიმართ მიმტევებელი უნდა იყოს.  ღვთის წყალობა თუ გვინდა, თავად უნდა ვიყოთ შემწყნარებელნი. ღვთის სიყვარული თუ გვინდა დავიმსახუროთ, თავადაც გული სიყვარულით უნდა გვქონდეს სავსე.

 

 

  ძვირფასო მორწმუნენო!

 

ამ მნიშვნელოვანი ღამის მიზეზით კიდევ ერთხელ მინდა შეგახსენოთ, რომ თქვენ „კაცობრიობისთვის მოვლენილი სასარგებლო საზოგადოება“ ხართ, ამიტომ თითოეულ თქვენგანს გარკვეული პასუხიმგებლობა გაკისრიათ. გარშემო რაც ხდება, ყველაფრის მიმართ გულგრილი დამოკიდებულება მორწმუნე საზოგადოებას არ შეეფერება.

მოდით, ამ მნიშვნელოვან დროს კიდევ ერთხელ გავიხსენოთ ის მივიწყებული პასუხისმგებლობა და მოვალეობები, რაც თითოეულ ჩვენგანს გვაკისრია. მოდით, მოვინანიოთ თუ ამქვეყნიური კეთილდღეობა საიქიო ბედნიერებას ვამჯობინეთ. მოდით, მოვინანიოთ თუ ჩვენთვის ყველაზე ახლობელი ადამიანების მიმართაც კი სიყვარულსა და შემწყნარებლობას აღარ გამოვხატავთ. მოდით, მოვინანიოთ, თუ ობლებსა და დაჩაგრულებს მარტო ვტოვებთ და მხარში არ ვუდგივართ. მოდით, დავფიქრდეთ ღვთისადმი მსახურების ვალდებულება ხომ არ მიგვავიწყდა. მოდით, ჩვენი ეს მშფოთვარე გულები ღვთისმსახურებითა და ვედრებით ხელახლა გავაცოცხლოთ. მოდით, ყველა ის გზა გადავრაზოთ, რომლებსაც ცდუნებებისა და ცოდვის ჩადენისკენ მივყავართ. ვეცადოთ, რომ ეს ქვეყანა სიკეთის სამფლობელო იყოს. მოდით ეს დღე, რომელიც ღვთის წყალობით უხვადაა დაჯილდოებული, რიგიანად გამოვიყენოთ. მოდით, მხოლოდ ღმერთს შევავედროთ ჩვენი ცოდვები და გამოვხატოთ მისდამი თაყვანისცემა. უკუვაგდოთ ყველა ცოდვა, რაც ჩაგვიდენია და აღარასოდეს დავუბრუნდეთ მათ.

 

„ღმერთო! შენი რისხვისგან შენივე კმაყოფილებას, შენი სასჯელისგან შენივე შენდობას, შენგან ისევ შენვე მოგეკედლები. შენდამი ქებას ვერ დავასრულებ. შენ ისეთი ხარ, როგორც თავად განადიდებ“. (მუსლიმ, სალათ 222)

 

„ღმერთო, შენს ხსენებაში, შენდამი მადლიერების გამოხატვაში, საუკეთესო ფორმით ღვთისმსახურებაში დაგვეხმარე“. (ებუ დავუდ, ვითრ 26)  

  • 19/04/2019
  • 203

კომენტარები

განაახლეთ


სტატიები

REZO AZİZ MİKELADZE

ცოდვის ჩამდენთა მდგომარეობასთან დაკავშირებული საკითხები

Ramaz Beridze

ისლამი და ახალი წელი

REZO AZİZ MİKELADZE

დიდი ცოდვის ჩამდენის მდგომარეობა

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში

REZO AZİZ MİKELADZE

ჯემა’ეთი და მეჩეთი


ქადაგებისქააბადან პირდაპირი ჩართვამედინადან პირდაპირი ჩართვა

შუადღის ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 22.07.2019
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 03:53 05:53 13:27 17:23 20:49 22:35
სამშაბათი 03:54 05:54 13:27 17:23 20:48 22:34
ოთხშაბათს 03:56 05:55 13:27 17:23 20:47 22:32
ხუთშაბათი 03:57 05:56 13:27 17:22 20:46 22:31
პარასკევი 03:59 05:57 13:27 17:22 20:45 22:30
შაბათის 04:00 05:58 13:27 17:22 20:44 22:28
კვირა 04:02 05:58 13:27 17:22 20:43 22:27