რამადანთან შეხვედრისას

კეთილი იყოს შენი მობრძანება, რათა დასუსტებული სულები დავანაყროთ, თერთმეტი თვის მანძილზე დაგროვილი ჭუჭყი ჩამოვირეცხოთ, ეს მშფოთვარე შინაგანი სამყარო დავამშვიდოთ, შვება ვიგრძნოთ და ყოველგვარი დაავადებებისგან განვიკურნოთ.

 კეთილი იყოს შენი მობრძანება, რათა დანგრეული აღვადგინოთ, მომაკვდავი უჯრედები გამოვაცოცხლოთ, უარყოფითი მხარეები გამოვასწოროთ და შესუსტებული ნებისყოფა გავიჯანსაღოთ. რამადანი ისევ ჩვეული ბარაქით, სიამტკბილობითა და მადლით მობრძანდა. ეს არის თვე, რომელშიც ყველა რაღაცას პოულობს. ამ თვეში უპოვართა სუფრაზე ცხელი წვნიანი იდგმება, გულმოწყალე ადამიანის ხელი ობლებს მოეფერება, მონანიების ჩანჩქერში ცოდვებისგან განვიწმინდებით და გულში სიხალვათე დაისადგურებს. ცოდვილების კარზეც კი მიაკაკუნებს რამადანი. მაშ! კეთილი იყოს მისი მობრძანება!

ეს არის თვე, რომელიც ოფიციალურ თუ არაოფიციალურ, ინდივიდუალურ თუ საზოგადოებრივ, მოკლედ ყველა სახის ეშმაკისეულ ცდუნებებს მოთოკავს. ეს არის ყურანთან გამთლიანების თვე.

კეთილი იყოს შენი მობრძანება ჩვენს სახლებში, უბნებში, ქუჩებში, ქალაქებში. კეთილი იყოს შენი მობრძანება, რათა დასუსტებული სულები დავანაყროთ, თერთმეტი თვის მანძილზე დაგროვილი ჭუჭყი ჩამოვირეცხოთ, ეს მშფოთვარე შინაგანი სამყარო დავამშვიდოთ, შვება ვიგრძნოთ და ყოველგვარი დაავადებებისგან განვიკურნოთ.

ეს არის თვე, რომელიც საზოგადოებრივ ტკივილებს მოგვიშუშებს და რწმენის თვალსაზრისით გაღატაკებულ სულებს ახალ სიცოცხლეს შთაბერავს. ის ადამიანების გულებს რწმენით, ზნეობითა და მადლით ავსებს. ეს არის თვე, როცა სხეულის მოვლაზე მეტად სულის გაჯანსაღებას ვაქცევთ ყურადღებას. ჩვენ ხომ ცნობიერება, გული, აზროვნება და გრძნობები  დაგვიბინძურდა. ყველა ამ ჭუჭყის მოსაცილებლად მობრძანდება ეს განწმენდის თვე, ჩვენი მონატრებული და ესოდენ ნალოდინები რამადანი. ჩვენ მთელი სულითა და გულით გელოდებით. 

 

 

მარხვის ვალდებულება

მარხვის ვალდებულება ყურანის აიათითაა დადასტურებული და ჩვენ ამ ვალდებულებას ღვთის შეწევნით შევასრულებთ. ეს კონკრეტული აიათი ცხადყოფს, რომ ისლამის დებულებები უნივერსალურია და მარხვის ვალდებულება ერთ-ერთი ის საერთო წერტილია, რომელიც ყველა ზეციურ სარწმუნოებას ერთმანეთთან აკავშირებს. გამომდინარე აქედან, ჩვენ შეგვიძლია ვთქვათ, რომ მარხვას ვინც დაიცავს, ის, იმ „მორწმუნეთა ქარავნის“ წევრი გახდება, რომლის ასაკიც კაცობრიობის ასაკის ტოლია. მორწმუნეები მარხვის ვალდებულების დამცველები და ერთგულები არიან. ამ თვეშიც ვიმარხულებთ და ამით ამ უხსოვარი დროიდან მომდინარე ღვთისმსახურებას კიდევ ერთხელ შევასრულებთ.

რამადანის თვეში არის ყადირის ღამე, რომელიც „ათას თვეზე უფრო სასარგებლოდაა“ მიჩნეული, რადგან ყურანი სწორედ რამადანის თვეში, ყადირის ღამეში იქნა მოვლენილი.შესაბამისად რამადანის მიმართ პატივისცემა ყურანის მიმართ პატივისცემაა. ყურანის მიმართ პატივისცემა ალლაჰის მიმართ პატივისცემის დასტურია. რამადანის მიმართ პატივისცემა კი ამ თვეში მარხულობით გამოიხატება. სწორედ ყურანია ის წმინდა წიგნი, რომელიც კაცობრიობისთვის გზამკვლევადაა მოვლინებული და ჭეშმარიტებას ცდომილებისგან ნათლად განასხვავებს.  რამადანის თვის სიწმინდე იმაში გამოიხატება, რომ ის ყურანის თვეა. შესაბამისად ამ თვეში მარხვის დაცვა ყურანის დაცვაა. ეს არის მცდელობა ყურანის ცხოვრების წესად დადგენისა და ყურანის მიხედვით დადგენილი ცხოვრების წესით ცხოვრებისა. ყურანის მოვლინების ღამე ათას თვეზე უკეთესი გახდა. ახლა წარმოიდგინეთ რაოდენ დიდი პატივია მისი მოვლინება ჩვენს გულებში, ჩვენს სულებში, სახლებში, ქუჩებში, ჩვენს ქალაქებში, სოფლებსა და ქვეყანაში. რამადანის თვე და მარხვა საკუთარი თავის შეცნობისა და გულწრფელი ღვთისმსახურებისადმი მიდრეკილების გამომუშავებაში გვეხმარება. მარხვის საშუალებით, ღვთის წინაშე, საკუთარ უმწეობას გამოვხატავთ და კიდევ ერთხელ ვფიქრდებით, რაოდენ ფუჭია ამქვეყნიური მისწრაფებები. ამ თვემ ცალკე ცოდნა და პასუხისმგებლობა უნდა შეგვძინოს. ეს არის პასუხიმსმგებლობა ღმერთის, საკუთარი თავისა და სხვების მიმართ. მარხვა გვეხმარება გავიაზროთ, რომ ჩვენ პასუხისმგებლობა გვაკისრია ღარიბთა და უპოვართა, მშიერთა და ობოლთა, უპატრონოთა და გაჭირვებაში ჩავარდნილთა მიმართ.    

 

 

თავი დაიცავით ჯოჯოხეთისგან

როგორც ყოველი ნამაზი ისე უნდა ვილოცოთ, თითქოს ის უკანასკნელი ნამაზი იყოს, ისეა მარხვაც. მარხვა ისეთი გულწრფელობით უნდა დავიცვათ, თითქოს უკანასკნელად ვმარხულობდეთ. ყოველი დღე ეს დამოკიდებულება უნდა შევინარჩუნოთ; უკანასკნელი მარხვა, უკანასკნელი „საჰური“, უკანასკნელი ვახშამი, უკანასკნელი თარავი და ა.შ.

გონიერი მუსლიმი ისე უნდა იყენებდეს ამ პერიოდს, თითქოს ის იყოს ღვთიური წყალობის გარდმოვლენის უკანასკნელი საათები. შუამავალი მოგვიწოდებდა, რომ ერთი ხურმაც რომ იყოს სხვებს უნდა მივაწოდოთ, რათა ჯოჯოხეთისგან თავი დავიცვათ და სამოთხეს კიდევ ერთი ნაბიჯით მივუახლოვდეთ. რამადანის თვეში სულიერად განსაკუთრებული გარემო იქმნება. ამგვარი გარემოს ერთ-ერთი შემადგენელი სხვების მიმართ პატივისცემა და ვახშმად მოპატიჟებაა. მხოლოდ ჩვენი გაღიმება არ კმარა, სხვებიც უნდა გავაღიმოთ და გავახაროთ. მომღიმარი სახეების გარეშე რამადანი წარმოგიდგენიათ?! ჩვენი სულიერებისა და გულის საზღვრები ვიწროდ, ან თუნდაც ქვეყნის ოფიციალურ საზღვრებში არ უნდა გამოვკეტოთ.

ნუთუ არ უნდა განვიცადოთ და თვალზე ცრემლი არ უნდა მოგვადგეს იმის გამო, რომ ნუგეშის მომლოდინე მეზობელი ვერ ვანუგეშეთ, ტელეფონზე შემოსულ ზარებს არ ვპასუხობდით, მეგობრებს არ ვკითხულობდით, ავადმყოფების სანახავად არ დავდიოდით, ნათესავებს ხელს არ ვუმართავდით და მოხუცებისგან დალოცვა არ მიგვიღია?! იქნებ ყველაზე ცუდი რამ ხდება და ჩვენ ისე დავკარგეთ მგრძნობელობა, რომ ტირილი გადაგვავიწყდა.

 

სასარგებლო ადამიანად ყოფნა

 

ჩვენ ისე ვცხოვრობთ, რომ ბევრ რამეს ვერ ვამჩნევთ. ამ დალოცვილ თვეში ღამეებს უქმად ნუ გავატარებთ. დრო ღვთისმსახურებას დავუთმოთ; გააზრებულ, გულწრფელ ღვთისმსახურებას. ჩვენი ცხოვრება და ჩვენი დრო უფრო ბარაქიანი და აზრიანი გახდება. თუ აზრიანად, შინაარსიანად, ფიქრით, გრძნობით ვიცხოვრებთ, ცოდვებისთვის დრო აღარ დაგვრჩება. ჩვენ სასარგებლო ადამიანები ვიქნებით. დედამიწაზე სულიერი გვალვაა დასადგურებული. ასე გაუდაბნოებული და სულიერებას მოწყურებული გულებისთვის რამადანის თვე მაცოცხლებელი წყაროა. ისლამით ცხოვრება ნიშნავს ცხოვრების მთლიანობაში განვავრცოთ ის. ღვთისმსახურების სრულყოფილება მაშინ მიიღწევა, როცა სიცოცხლე ღვთისმსახურებად გადაიქცევა. რამადანი კი ის საშუალებაა, რომლითაც ამ მიმართულებით განვითარებას შევძლებთ და ცხოვრების ყველა ეტაპს, ყველა საქმეს მას დავუქვემდებარებთ, რის შედეგადაც სწორი მიმართულებით, ცოდნითა და ღირსებით ვიცხოვრებთ.  

  • 03/05/2019
  • 429

კომენტარები

განაახლეთ


სტატიები

REZO AZİZ MİKELADZE

მოწყალე და უმოწყალესი ალლაჰის სახელით,…

REZO AZİZ MİKELADZE

ყურანის ძვირფასო მასწავლებლებო!

REZO AZİZ MİKELADZE

ოჯახი

REZO AZİZ MİKELADZE

საყვარელო ბავშვებო,

Mukhran Abashidze

განგების კვალდაკვალ

REZO AZİZ MİKELADZE

ცოდვის ჩამდენთა მდგომარეობასთან დაკავშირებული საკითხები


ქადაგებისქააბადან პირდაპირი ჩართვამედინადან პირდაპირი ჩართვა

:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 17.11.2019
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:16 07:52 13:04 15:40 18:05 19:30
სამშაბათი 06:18 07:53 13:05 15:39 18:04 19:29
ოთხშაბათს 06:19 07:54 13:05 15:38 18:03 19:28
ხუთშაბათი 06:20 07:56 13:05 15:38 18:02 19:27
პარასკევი 06:21 07:57 13:05 15:37 18:01 19:26
შაბათის 06:22 07:58 13:05 15:36 18:00 19:26
კვირა 06:23 07:59 13:05 15:36 17:59 19:25