მუჰარრემის თვე და აშურას დღე

ძვირფასო მუსლიმებო!

დიადი ღმერთი წმინდ ყურანში ბრძანებს: “უეჭველად, თორმეტი თვეა თვეთა რიცხვი ალლაჰის წინაშე”. ამ თორმეტი თვიდან ერთ-ერთი მუჰარრემია. მუჰარრემის თვეც დროის ის პერიოდია, რომელიც ღვთის წყალობით გამოირჩევა. შუამავალი ბრძანებს: „რამადანის მარხვის შემდეგ ყველაზე მადლიანი მარხვა ალლაჰის თვეში, მუჰარრემში დაცული მარხვაა“. (მუსლიმ, „სიამ“ 202). ამით მუჰარრემის თვის მნიშვნელობაა გამოხატული.

ძვირფასო მორწმუნეებო!

მუჰარრემის თვეს ისლამის ისტორიასა და კულტურაში განსაკუთრებული ადგილი უკავია. მუჰარრემის თვე აშურას თვეა. აშურა კი თავის მხრივ ერთობის, ერთიანობის, სიკეთის გაზიარებისა და თანადგომის სიმბოლოა. როგორც აშურა დღეს სხვადასხვა საკვები შეურიეს ერთმანეთს და ერთიანი, ახალი გემოს საკვები მიიღეს, ისე საუკუნეებია მუსლიმები ერთად თანაცხოვრობენ და ერთ ჭირსა და ლხინს იზიარებენ.

 

ძვირფასო მუსლიმებო!

მუჰარრემის თვე, ამავდროულად, ჩვენთვის სამწუხარო ტრაგედიას უკავშირდება, რომელიც ცნობილია, როგორც ქერბელას მოვლენა. ქერბელაში ჰზ. ჰუსეინი და მასთან მყოფი სამოცდაათზე მეტი მუსლიმი შაჰიდად დაეცა. ქერბელა რთული გამოცდისა და ღრმა მწუხარების სახელია. ეს იყო მძიმე გაკვეთილი, რომელიც შუამავლის ოჯახის წევრს უკავშირდება. ქერბელას გახსენებაზე ყველა მუსლიმი ვალდებულია დაფიქრდეს, ეს მოვლენა სწორად შეაფასოს და შესაბამისი მაგალითი აიღოს.

 

ძვირფასო მორწმუნენო!

ქერბელას მოვლენა რომ კარგად გავაცნობიეროთ, ამისათვის საჭიროა კარგად ვიცნობდეთ ჰზ. ჰუსეინს. ის ღირსეული მორწმუნე იყო, რომელიც ბაბუის, ჩვენთვის უსაყვარლესი შუამავლის გზას მიჰყვებოდა. ის გმირი მუსლიმი იყო, რომელიც უსამართლობას დაუპირისპირდა და ამ გზაზე სიცოცხლე გაწირა.

მისდამი სიყვარული იმ ღირებულებებისადმი პატივისცემაში გამოიხატება, რომელთა გამოც მან თავი გაწირა. ეს ადამიანი ყველა თაობისათვის ღირსეულად ცხოვრებისა და სიმტკიცის სიმბოლოდ და მაგალითად იქცა. ჩვენ უნდა ვასწავლოთ ჩვენს ახალგაზრდებს, თუ რაოდენ ღრმადმორწმუნე, ზნეკეთილი და ამავდროულად მამაცი ადამიანი იყო ის.

 

ძვირფასო მუსლიმებო!

მუჰარეემის თვის ყველაზე დიდი გზავნილი ჩვენი ძმობის, ერთიანობისა და ურთიერთთანადგომის განმტკიცებაა. ყურანში ნაბრძანებია: „და არ იყოთ იმათი მსგავსნი, რომელნიც დაიყვნენ და დაობდნენ მას შემდეგ, რაც ცხადი  მტკიცებანი მოევლინათ. და სწორედ მათთვისაა (გამზადებული)  მძვინვარე სასჯელი“. (ალი იმრან, 3/105).

შუამავალი კი ბრძანებს: „ერთმანეთის მიმართ სიძულვილი და მტრობა არ გააღვივოთ. ერთმანეთის არ შეგშურდეთ და ზურგი არ აქციოთ. ღვთისმსახურნო, იყავით ძმები!“. (ბუჰარი, ედებ 57).

 

 

ძვირფასო მუსლიმებო!

 

მოდით გავაერთიანოთ ჩვენი გულები, რათა ახალი ქერბელა არ გამოვცადოთ. მოდით, გავუღოთ გული ერთიმეორეს და ცხოვრება სიამტკბილობით გავატაროთ. წამოჭრილ პრობლემებს გონივრულად, წინდახედულად, პასუხიმსგებლობის გააზრებითა და სიბრძნით მივუდგეთ და ერთიანობით მოვაგვაროთ. იმ ღირებულებების ირგვლივ შევიკრიბოთ, რაც ასე მჭიდროდ გვაერთიანებს. 

 

ამრიგად, ჰზ. ჰუსეინიდან დაწყებული, ქერბელას ყველა შაჰიდი და მას შემდგომ ჭეშმარიტების, თავისუფლების, ღირსებისა და სიწმინდისათვის დაღუპულ ყველა შაჰიდი უზენაეს გამჩენს შევავედროთ.

 

ბოლოს კი ერთი რამეზე მინდა გავამახვილო თქვენი ყურადღება. ჩვენ ყველანი კიდევ ერთხელ ახალი სასწავლო წლის დასაწყისში ვიმყოფებით. ერთ კვირაში სკოლები გაიხსნება. დიად ღმერთს ვთხოვ, ამ ახალ სასწავლო წელს,  ჩვენს მოსწავლეებს, მასწავლებლებსა და მშობლებს წარმატებები, სიმტკიცე და სიკეთე უწყალობოს. დაე ჩვენმა შვილებმა მიიღონ ისეთ ცოდნა, რომელიც ჩვენი ქვეყნის, ჩვენი ერისა და მთელი კაცობრიობისათვის სასარგებლო და სიკეთის მომტანი იქნება.

  • 07/09/2019
  • 103

კომენტარები

განაახლეთ


სტატიები

Mukhran Abashidze

განგების კვალდაკვალ

REZO AZİZ MİKELADZE

ცოდვის ჩამდენთა მდგომარეობასთან დაკავშირებული საკითხები

Ramaz Beridze

ისლამი და ახალი წელი

REZO AZİZ MİKELADZE

დიდი ცოდვის ჩამდენის მდგომარეობა

REZO AZİZ MİKELADZE

ისე ვცხოვრობთ, თითქოს არასოდეს ველით სიკვდილს

REZO AZİZ MİKELADZE

ყურბანი ისლამში


ქადაგებისქააბადან პირდაპირი ჩართვამედინადან პირდაპირი ჩართვა

საღამოს ეზნამდე დარჩენილი დრო:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 19.10.2019
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 05:46 07:19 13:07 16:10 18:42 20:04
სამშაბათი 05:47 07:20 13:06 16:09 18:41 20:03
ოთხშაბათს 05:48 07:21 13:06 16:07 18:39 20:01
ხუთშაბათი 05:50 07:22 13:06 16:06 18:38 20:00
პარასკევი 05:51 07:23 13:06 16:05 18:36 19:58
შაბათის 05:52 07:24 13:06 16:04 18:35 19:57
კვირა 05:53 07:25 13:05 16:03 18:33 19:55