„შუამავლის დაბადება“

لَقَدْكَانَلَكُمْف۪يرَسُولِاللّٰهِاُسْوَةٌحَسَنَةٌلِمَنْكَانَيَرْجُوااللّٰهَوَالْيَوْمَالْاٰخِرَوَذَكَرَاللّٰهَكَث۪يراًۜ

وَقَالَرَسُولُاللَّهِصَلَّياللَّهُعَلَيْهِوَسَلَّمَ:  

إِنَّاللَّهَعَزَّوَجَلَّلَيَعْجَبُمِنَالشَّابِّلَيْسَتْلَهُصَبْوَةٌ

 „ჰეი, შუამავალო! უეჭველად, ჩვენ წარგგზავნეთ მოწმედ, მახარობლად და შემგონებლად!

და მომწოდებლად ალლაჰისკენ, ნებითა თვისა და მანათობელ ლამპრად!“  (აჰზაბ 33/45-46)

ძვირფასო მორწმუნენო!

მომავალი პარასკევი ჩვენი ძვირფასი შუამავლის, მუჰამმედის დედამიწაზე მოვლინების დღეა. უსაზღვრო მადლიერება დიად ღმერთს, რათა მისი მიმდევრობის ბედნიერება გვიწყალობა. ვესალმებით და ვლოცავთ შუამავალს, მის ოჯახსა და მეგობრებს, რადგან ის სამყაროს წყალობადაა მოვლენილი.

ძვირფასო მუსლიმებო!

დიადი ღმერთი შუამავალს შემდეგნაირად გვაცნობს:

„ჰეი, შუამავალო! უეჭველად, ჩვენ წარგგზავნეთ მოწმედ, მახარობლად და შემგონებლად!

და მომწოდებლად ალლაჰისკენ, ნებითა თვისა და მანათობელ ლამპრად!“  (აჰზაბ 33/45-46)

სწორედ შუამავალია ჭეშმარიტების მაცნე, სიკეთისკენ მომწოდებელი და გამაფრთხილებელი, რათა ჩვენ მცდარ გზას არ დავადგეთ. სწორედ მან ასწავლა ყურანი თავის მიმდევრებს, მან განუმარტა მისი მოძღვრება და თავადაც ყურანის მოძღვრების მიხედვით იცხოვრა. მან მოუწოდა კაცობრიობას მშვიდობის, სიკეთისა და სამართლიანობისკენ. ის თავისი ცხოვრების ყველა ეტაპზე თავის მიმდევრებს სწორ მაგალითებს აძლევდა და ამქვეყნიური გამოცდის გასავლელად გზას უნათებდა.

ძვირფასო მორწმუნენო!

შუამავალი საუკეთესო მაგალითია მათთვის, ვისაც სწამს ღმერთი და მის მიერ დადგენილი ცხოვრების წესით ცხოვრება სურს. ამის შესახებ ღმერთი ბრძანებს:

„ვფიცავ, ალლაჰის შუამავალი კარგი მაგალითი იყო თქვენთვის, ვინც ისწრაფვოდა ალლაჰისკენ და უკანასკნელი დღისკენ და ხშირად ახსენებდა ალლაჰს!“

ესოდენ თვალსაჩინო მაგალითის შემყურე „ასჰაბი ქირამი“, ანუ შუამავლის მეგობრები  მისი მეთვალყურეობის ქვეშ აღიზარდნენ და ისინიც რწმენის, სამართლიანობის, ცოდნის, სიბრძნის, სიმამაცისა და შემწყნარებლობის საუკეთესო მაგალითები არიან. შუამავლის მიერ შექმნილი მუსლიმი საზოგადოება და მისი ყოველი წევრი უმეცრების ხანის სიბნელიდან გამოვიდა და სულიერად ამაღლდა. მათ ეს სამაგალითოება ყველგან შეიტანეს, სადაც კი ფეხი დადგეს. 

ძვირფასო მუსლიმებო!

შუამავალმა, სანამ შუამავლობის ესოდენ საპასუხისმგებლო მისია დაეკისრებოდა, უმწიკვლო ცხოვრებით იცხოვრა. ამიტომ იყო, რომ მეტსახელად „სანდო მუჰამმედს“ ეძახდნენ. მისი პირველი მიმდევრებიც ახალგაზრდები იყვნენ. მისი წესიერება, პატიოსნება და სამართლიანობა ახალგაზრდებში უდიდეს ნდობას იწვევდა. შუამავალმა მათ მტკიცე რწმენა, სწორი საქმე და მაღალი ზნეობა შეასწავლა. მისი ყოველი მიმდევარი კაცობრიობის ჰორიზონტზე მოკიაფე ვარსკვლავად იქცა. 

 

ძვირფასო მორწმუნენო!

ახალგაზრდა თაობებთან ურთიერთობისა და მათი ბედნიერი მომავლისათვის მომზადების საკითხში შუამავალი ასევე საუკეთესო მაგალითია. ის ენდობოდა ახალგაზრდებს, დავალებებს აძლევდა, მათ აზრებს ისმენდა და შეცდომებზე ფრთხილად უთითებდა. მან ალი თავის საწოლში დატოვა და მედინაში ისე წავიდა. მუსაბ ბინ უმეირი მედინაში მასწავლებლად მიავლინა. მუაზი იემენში მოსამართლედ გაგზავნა, ხოლო უსამე ჯარის სარდლად დანიშნა. თითოეული მათგანი ახალგაზრდები იყვნენ.  

ჩემო ახალგაზრდა ძმაო!

ღვთის შუამავალი ბრძანებს: „უეჭველად, ღმერთს უყვარს ის ახალგაზრდა, რომელიც ცდუნებებს არაა აყოლილი ჭეშმარიტ გზას არ ასცდება“. (აჰმედ იბნ ჰანბელ, 4, 151)

შენც, ისევე როგორც შუამავლის მაშინდელი მიმდევარი ახალგაზრდები, ცხოვრების ყველაზე ნაყოფიერ ეტაპს გადიხარ. ირგვლივ მრავალი ისეთი ცდუნებაა, რომლებიც შენი ჭეშმარიტებიდან გადახვევას ცდილობენ. შენ მტკიცე რწმენა, ღვთისმსახურების მადლი და ზნეობის სიმაღლე უნდა შეინარჩუნო. შენი ახალგაზრდული ენერგია ისე უნდა გახარჯო, რომ შენი ნამოქმედარით ღმერთი კმაყოფილი იყოს. შენი ცხოვრების გზამკვლევი შუამავლის ცხოვრება უნდა იყოს. ეს შენ ხარ იმედი, რომელმაც დედამიწაზე სიკეთის დამკვიდრებისთვის უნდა იზრუნოს. ისლამის მიმდევრების, მთელი კაცობრიობის იმედი შენ ხარ.

ძვირფასო მორწმუნენო!

შუამავლის დაბადების დღეს რებიულ ევველის თვის მეთორმეტე ღამეა. წელს ეს თარიღი 8 ნოემბერს ემთხვევა. არამარტო ეს დღე, არამედ მთელი კვირა „შუამავლის დაბადების კვირად“-აა წოდებული. ჩვენ უნდა ვეცადოთ, რომ კიდევ უფრო ახლოს გავიცნოთ შუამავალი. ჩვენ უნდა ვეცადოთ, რომ თანამედროვე ახალგაზრდების პრობლემები შუამავლის მიერ ნაანდერძევი გზით მოვაგვაროთ. შუამავლის დაბადების კვირეული ჩვენი ქვეყნისა და მთელი ისლამური სამყაროსათვის სიკეთის მომტანი ყოფილიყოს. ამინ!

  • 07/11/2019
  • 79

კომენტარები

განაახლეთ


სტატიები

REZO AZİZ MİKELADZE

მოწყალე და უმოწყალესი ალლაჰის სახელით,…

REZO AZİZ MİKELADZE

ყურანის ძვირფასო მასწავლებლებო!

REZO AZİZ MİKELADZE

ოჯახი

REZO AZİZ MİKELADZE

საყვარელო ბავშვებო,

Mukhran Abashidze

განგების კვალდაკვალ

REZO AZİZ MİKELADZE

ცოდვის ჩამდენთა მდგომარეობასთან დაკავშირებული საკითხები


ქადაგებისქააბადან პირდაპირი ჩართვამედინადან პირდაპირი ჩართვა

:

  • 00
  • :
  • 00
  • :
  • 00

ლოცვის დროს ბათუმში
ლოცვის დროს ბათუმში 17.11.2019
ცისკარი მზე ლანჩი დღის მეორე ნახევარში საღამო ღამ.ლოცვა
ორშაბათი 06:16 07:52 13:04 15:40 18:05 19:30
სამშაბათი 06:18 07:53 13:05 15:39 18:04 19:29
ოთხშაბათს 06:19 07:54 13:05 15:38 18:03 19:28
ხუთშაბათი 06:20 07:56 13:05 15:38 18:02 19:27
პარასკევი 06:21 07:57 13:05 15:37 18:01 19:26
შაბათის 06:22 07:58 13:05 15:36 18:00 19:26
კვირა 06:23 07:59 13:05 15:36 17:59 19:25